ബെംഗളൂരു: റബീഉൽ അവ്വൽ മാസപ്പിറവി ദൃശ്യമാവാത്തതിനാൽ സഫർ മുപ്പത് പൂർത്തിയാക്കി 15ന് ശനിയാഴ്ച റബീഉൽ അവ്വൽ ഒന്നായിരിക്കുമെന്ന് മലബാർ മുസ്ലിം അസോസിയേഷൻ ഖത്തീബ് മുഹമ്മദ് ഇസ്മാഈൽ ഫൈസി അറിയിച്ചു. നബിദിനം ഓഗസ്റ്റ് 26 ന് ബുധനാഴ്ച്ചയായിരിക്കും.
അതേസമയം കാപ്പാട് മാസപ്പിറവി കണ്ടതിന്റെ അടിസ്ഥാനത്തിൽ കേരളത്തില് ഇന്ന് (വെള്ളി) റബീഉൽ അവ്വൽ ഒന്നായും അതനുസരിച്ച് ഓഗസ്റ്റ് 25ന് (ചൊവ്വ) നബിദിനവും ആയിരിക്കുമെന്ന് ഖാസിമാരായ സമസ്ത കേരള ജംഇയ്യത്തുൽ ഉലമാ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങൾ, പാണക്കാട് സയ്യിദ് സ്വാദിഖ് അലി ശിഹാബ് തങ്ങൾ, കോഴിക്കോട് മുഖ്യ ഖാസി സയ്യിദ് മുഹമ്മദ് കോയ തങ്ങൾ ജമലുല്ലൈലി എന്നിവർ അറിയിച്ചു.
SUMMARY: Rabi-ul-Awwal 1st is Saturday; Prophet’s Day in Bengaluru on August 26
