വയനാട്: വയനാട് ജില്ലയില് അഞ്ച് കുട്ടികള്ക്ക് കൂടി ഷിഗെല്ല രോഗം സ്ഥിരീകരിച്ച സാഹചര്യത്തില് ജില്ലയിലെ പതിമൂന്ന് വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചു. സമ്പർക്ക പട്ടികയിലുള്ള കുട്ടികള് പഠിക്കുന്ന സ്കൂളുകള്ക്കാണ് നാളെ അവധി പ്രഖ്യാപിച്ചത്. രോഗവ്യാപനം തടയുന്നതിൻ്റെ ഭാഗമായാണ് നടപടി.
കഴിഞ്ഞ ദിവസം പരിശോധനയ്ക്കയച്ച ബത്തേരി മാർ ബസേലിയോസ് എയുപി സ്കൂളിൻ്റെ കിണറിലെ വെള്ളത്തില് ഷിഗെല്ല സാന്നിധ്യം കണ്ടെത്താനായിട്ടില്ല. എന്നാല് വെള്ളത്തില് മാലിന്യവും മറ്റ് ബാക്ടീരിയകളുടെയും സാന്നിധ്യം കണ്ടെത്തിയിട്ടുണ്ട്. രോഗത്തിന്റെ ഉറവിടം കിണറിലെ വെള്ളമാകാമെന്നാണ് ആരോഗ്യ വകുപ്പിന്റെ വിലയിരുത്തല്. കഴിഞ്ഞ ദിവസം പരിശോധനയ്ക്കയച്ച സാമ്പിളുകളുടെ ഫലമാണ് ഇപ്പോള് വന്നിരിക്കുന്നത്.
SUMMARY: Shigella; Holiday for 13 schools in Wayanad district
