തിരുവനന്തപുരം: നിയമസഭയിലെ ക്രമവിരുദ്ധമായ കരാറുകള് റദ്ദാക്കി സ്പീക്കര് തിരുവഞ്ചൂര് രാധാകൃഷ്ണന്. നിയമസഭയ്ക്കുള്ളില് നടന്ന നിര്മ്മാണ പ്രവര്ത്തനങ്ങളില് ഗുരുതരമായ വീഴ്ചകള് കണ്ടെത്തിയതിനെത്തുടര്ന്നാണ് നീക്കമെന്നാണ് റിപോര്ട്ടുകള്. കഴിഞ്ഞ എല്ഡിഎഫ് സര്ക്കാരിന്റെ കാലത്ത് ഊരാളുങ്കല് ലേബര് കോണ്ട്രാക്ട് കോപ്പറേറ്റീവ് സൊസൈറ്റിക്ക് തുക അനുവദിച്ചുകൊണ്ട് പുറപ്പെടുവിച്ച ഉത്തരവുകള് ഉള്പ്പെടെയാണ് സ്പീക്കര് റദ്ദാക്കിയത്.
നിയമസഭയിലെ ശങ്കരനാരായണന് തമ്പി ഹാളിന്റെ പരിപാലന ചുമതലയില് നിന്ന് ഊരാളുങ്കലിനെ ഒഴിവാക്കാനും പകരം ഈ ചുമതല പൊതുമരാമത്ത് വകുപ്പിന് നല്കാനും സ്പീക്കര് നിര്ദേശം നല്കി. കഴിഞ്ഞ സര്ക്കാരിന്റെ കാലത്ത് നിയമസഭയ്ക്കകത്ത് ഊരാളുങ്കലിന് ലഭിച്ച വിവിധ ആനുകൂല്യങ്ങളിലും കരാറുകളിലും വലിയ തോതിലുള്ള അഴിമതി നടന്നിട്ടുണ്ടെന്നാണ് പ്രാഥമിക വിലയിരുത്തല്. ഈ സാഹചര്യത്തിലാണ് സ്പീക്കര് കര്ശനമായ ഇടപെടല് നടത്തിയിരിക്കുന്നത്.
SUMMARY: Speaker Thiruvanchoor Radhakrishnan cancelled the Uralungal contracts in the Legislative Assembly
