ബെംഗളൂരു: സ്കൂളിൽ നിന്ന് ഉച്ചഭക്ഷണം കഴിച്ച 20ഓളം കുട്ടികൾ ആശുപത്രിയിൽ. ഭക്ഷ്യവിഷബാധയാണെന്നാണ് പ്രാഥമിക നിഗമനം. ഹാസൻ അർക്കൽഗുഡ് താലൂക്കിലെ രാഗിമാരരു ഗ്രാമത്തിലെ സർക്കാർ സ്‌കൂളിലാണ് സംഭവം. ഭക്ഷണത്തിൽ ചത്ത പല്ലിയെ കണ്ടതായും കുട്ടികൾ ആരോപിച്ചു.
ഉച്ചഭക്ഷണം കഴിച്ചയുടൻ ഇരുപതിലധികം വിദ്യാർഥികൾ ഛർദ്ദിക്കുകയും പിന്നീട് ബോധരഹിതരാവുകയുമായിരുന്നു. വിദ്യാർഥികളെ ജില്ലാ ആശുപത്രിയിൽ പ്രവേശിപ്പിച്ചു. സംഭവത്തെക്കുറിച്ച് അന്വേഷിക്കാൻ വിദ്യാഭ്യാസ ബ്ലോക്ക്‌ ഓഫീസർ ഉൾപ്പെടെയുള്ള പ്രാദേശിക അധികാരികൾ സ്ഥലം സന്ദർശിച്ചു.
TAGS: KARNATAKA | FOOD POISONING
SUMMARY: 20 Students Fall Ill After Consuming Food Contaminated
