തിരുവനന്തപുരം: മുഖ്യതിരഞ്ഞെടുപ്പ് കമ്മിഷണർ ഗ്യാനേഷ് കുമാറിനെതിരെ വിജിലൻസ് പുനരന്വേഷണം. ആഭ്യന്തര മന്ത്രി രമേശ് ചെന്നിത്തല അന്വേഷണത്തിന് ഉത്തരവിടാൻ നിർദേശം നൽകി. കേരളത്തിൽ 2006 ൽ നടന്ന സംഭവത്തിൽ പൊതുമരാമത്ത് സെക്രട്ടറിയായിരിക്കെ ഗ്യാനേഷ് കുമാറിനെതിരെ പ്രാഥമിക അന്വേഷണത്തിൽ രജിസ്റ്റർ ചെയ്ത കേസാണ് വീണ്ടും അന്വേഷിക്കാൻ തീരുമാനിച്ചിരിക്കുന്നത്.
അങ്കമാലി-തിരുവനന്തപുരം എം.സി. റോഡ് വികസനത്തിന് കരാർ ഏറ്റെടുത്ത മലേഷ്യൻ കമ്പനിയുടെ എൻജിനിയർ ലീ സീ ബീൻ ആത്മഹത്യചെയ്തത് ഗ്യാനേഷ് കുമാറിന്റെകൂടി ഇടപെടൽ കാരണമാണെന്ന ആരോപണമാണ് കേസിന് അടിസ്ഥാനം.കെ പി സി സി നിര്‍വാഹകസമിതി അംഗം മലയിന്‍കീഴ് വേണുഗോപാല്‍ നല്‍കിയ പരാതിയെ തുടര്‍ന്നാണ് ആഭ്യന്തര മന്ത്രി പുനരന്വേഷണത്തിന് ഉത്തരവിടാന്‍ തീരുമാനിച്ചത്.
ഭരണഘടനാ പദവിയായ മുഖ്യ തിരഞ്ഞെടുപ്പ് കമ്മീഷണര്‍ സ്ഥാനത്ത് ഗ്യാനേഷ് കുമാര്‍ അവരോധിതനാകുന്നതിന് മുമ്പുള്ള കേസിലാണ് അന്വേഷണം എന്നതിനാല്‍ ഇതില്‍ നിയമതടസ്സമില്ലെന്നാണ് സര്‍ക്കാരിന്റെ വിലയിരുത്തല്‍. അന്നത്തെ ഫയലുകളുടെ പ്രാഥമിക പരിശോധന നടത്തിവരികയാണ് വിജിലന്‍സ്.
ഗ്യാനേഷ് കുമാറിന്റെ ഇടപെടലാണ് മലേഷ്യന്‍ കമ്പനി എന്‍ജിനീയറുടെ ആത്മഹത്യയിലേക്ക് നയിച്ചതെന്ന് അന്ന് ധനമന്ത്രിയായിരുന്ന ഡോ. തോമസ് ഐസക് അടുത്തിടെ ആരോപിച്ചിരുന്നു. റോഡ് നിര്‍മാണം വൈകിയതോടെ സര്‍ക്കാര്‍ നഷ്ടപരിഹാരം ആവശ്യപ്പെടുകയും ബില്‍ തടഞ്ഞുവെക്കുകയും ചെയ്തു. ഇതിനു പിന്നാലെയാണ് എന്‍ജിനീയര്‍ ആത്മഹത്യ ചെയ്തത്. കേരളത്തിലെ പൊതുമരാമത്ത് വകുപ്പ് ഉദ്യോഗസ്ഥരുടെ അഴിമതിയാണ് പദ്ധതി വൈകാന്‍ കാരണമെന്ന് ലി സി ബിന്‍ നേരത്തെ വിശദീകരിച്ചിരുന്നു.
SUMMARY: Suicide of Malaysian engineer: State government prepares to probe Gyanesh Kumar.
