തിരുവനന്തപുരം: സംസ്ഥാനത്ത് ഉണ്ടായത് ജനാധിപത്യത്തിന്റെ വിജയമാണെന്നും അത് യുഡിഎഫിന്റെ മിടുക്കല്ലെന്നും ജി സുകുമാരൻ നായർ. ചിലർ അവകാശപ്പെടുന്നത് അവരുടെ മാത്രം വിജയമാണ് എന്നാണ് എന്നാല് അങ്ങനെയല്ല ജനങ്ങള് പൊറുതിമുട്ടി മാറ്റം വരാൻ വേണ്ടി വോട്ട് ചെയ്തതാണ് അത് കോണ്ഗ്രസിനും യുഡിഎഫിനും അനുകൂലമായി പ്രതിഫലിച്ചുവെന്നും അദ്ദേഹം പറഞ്ഞു.
ശബരിമല വിഷയം മുതല് നടന്ന കാര്യങ്ങളില് ജനങ്ങള്ക്ക് വളരെ ആശങ്കയുണ്ടായിരുന്നു. അതിനെ രാഷ്ട്രീയമായി അവര് കണ്ടില്ല. അതിനായി ഒരു ടൂളായി കണ്ടത് കോണ്ഗ്രസിനെയാണ്. കോണ്ഗ്രസിന് ഇങ്ങനെയൊരു ഭൂരിപക്ഷം കിട്ടിയത് ജനങ്ങള് സഹകരിച്ചിട്ടാണ്, അല്ലാതെ മുഴുവന് കോണ്ഗ്രസുകാരാണ് വോട്ടു ചെയ്തതെന്ന് ആരും ധരിക്കേണ്ട. കോണ്ഗ്രസുകാര് പ്രവര്ത്തിച്ചില്ല എന്നൊന്നും പറയുന്നില്ലെന്നും സുകുമാരന് നായര് കൂട്ടിച്ചേര്ത്തു.
പയ്യന്നൂരും തളിപ്പറമ്പും എല്ലാം സിപിഎം തോല്ക്കണമെങ്കില് അത്രത്തോളം മോശകരമായ അവസ്ഥയായിരുന്നു സിപിഎമ്മിനകത്ത്. ആഭ്യന്തര പ്രശ്നങ്ങള് അടക്കം ബാധിച്ചു ചുമ്മാതെ നിന്ന ആളുകള് പോലും പലരും ജയിക്കുന്ന സാഹചര്യമുണ്ടായെന്നും അദ്ദേഹം പറഞ്ഞു.
SUMMARY: The people who were suffering voted for change; Sukumaran Nair says the victory is not only the achievement of the UDF
