ന്യൂഡല്ഹി: ഡല്ഹിയിലെ പീരാഗഡി ഫ്ലൈഓവറില് കാറിനുള്ളില് മൂന്നുപേരെ മരിച്ച നിലയില് കണ്ടെത്തിയ സംഭവം കൊലപാതകം. ഒരു സ്ത്രീയും രണ്ടു പുരുഷന്മാരുമാണു കാറിനുള്ളില് ഉണ്ടായിരുന്നത്. രണ്ധീര് (62), ശിവനരേഷ് (42), ലക്ഷ്മി (40) എന്നിവരാണ് മരിച്ചത്. സംഭവത്തില് ബാബ അഥവാ മൗലാന എന്നറിയപ്പെടുന്ന കമറുദ്ദീനെ അറസ്റ്റ് ചെയ്തു. കമറുദ്ദീന് മൂവര്ക്കും ലഡുവില് വിഷം നല്കിയാണ് കൊലപ്പെടുത്തിയതെന്ന് പോലീസ് കണ്ടെത്തി. സിസിടിവി ദൃശ്യങ്ങളാണ് കേസില് നിര്ണായകമായത്.
താന്ത്രിക ക്രിയകള് നടത്തിയാല് ധനം ലഭിക്കുമെന്ന് ആളുകളെ തെറ്റിധരിപ്പിച്ച് അവര്ക്ക് വിഷം കലര്ത്തിയ ലഡു നല്കി കൊലപ്പെടുത്തുന്ന രീതിയാണ് കമറുദ്ദീന്റേത്. കാറിനുള്ളില് നിന്ന് മൂവരെയും മദ്യവും ശീതളപാനീയവും കഴിക്കാന് നിര്ബന്ധിക്കുകയും വിഷം കലര്ത്തിയ ലഡു നല്കുകയുമായിരിന്നുവെന്ന് കമറുദ്ദീന് പോലീസിനോട് വെളിപ്പെടുത്തി. ലഡു നല്കിയതോടെ ബോധരഹിതരതായ ഇവരുടെ കൈയിലുണ്ടായിരുന്ന പണം കവര്ന്ന് കടന്നുകളഞ്ഞു എന്നും ഇയാള് പോലീസിനോട് സമ്മതിച്ചു.
SUMMARY:Three people died in a car; It was discovered that the murder was caused by poisoning in the laddu
WhatsApp
Telegram
