ബെംഗളൂരു: ബെംഗളൂരുവിൽ ബിബിഎംപിയുടെ മാലിന്യ ട്രക്ക് ഇടിച്ച് രണ്ട് മരണം. മഹാറാണി കോളേജിന് സമീപം ശേഷാദ്രി റോഡിലാണ് സംഭവം. സോഫ്റ്റ്വെയർ എഞ്ചിനീയറായ പ്രശാന്ത് (25), സുഹൃത്ത് ശില്പ എന്നിവരാണ് മരിച്ചത്. ആന്ധ്രാപ്രദേശിലെ ഹിന്ദുപുർ സ്വദേശിയായ ശിൽപ നാഗവാരയിലെ പിജി അക്കോമഡേഷനിലാണ് താമസിച്ചിരുന്നത്. ഐടിപിഎല്ലിൽ ഐടി കമ്പനിയിൽ ജോലി ചെയ്യുകയായിരുന്നു ഇരുവരും.
മജസ്റ്റിക്കിൽ നിന്ന് കെ.ആർ. സർക്കിളിലേക്ക് ഇരുചക്രവാഹനത്തിൽ പോകവേയാണ് അപകടം. നിയന്ത്രണം വിട്ട ട്രക്ക് ഇരുചക്രവാഹനത്തിലേക്ക് ഇടിക്കുകയായിരുന്നു. ഇരുവരെയും ഉടൻ തന്നെ മാർത്താസ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടം നടന്നയുടൻ ട്രക്ക് ഡ്രൈവർ വാഹനം ഉപേക്ഷിച്ച് ഓടി രക്ഷപ്പെട്ടു. സംഭവത്തിൽ കെആർ സർക്കിൾ പോലീസ് കേസെടുത്തു.
TAGS: BBMP | ACCIDENT
SUMMARY: Two, including bride-to-be, killed in collision between BBMP truck and two-wheeler
