ന്യൂഡൽഹി: റിപബ്ലിക് ദിനത്തോടനുബന്ധിച്ച് പത്മ പുരസ്കാരങ്ങൾ പ്രഖ്യാപിച്ചു. അന്തരിച്ച മുൻമുഖ്യമന്ത്രിയും സിപിഎം നേതാവുമായിരുന്ന വി.എസ്. അച്യുതാനന്ദന് രാജ്യത്തെ രണ്ടാമത്തെ ഉയർന്ന സിവിലിയൻ ബഹുമതി പത്മവിഭൂഷൺ നൽകും. കൂടാതെ ജസ്റ്റിസ് കെ.ടി. തോമസിനും സാഹിത്യ വിഭാഗത്തിൽ ആർ.എസ്.എസ് നേതാവും ജന്മഭൂമി ദിനപത്രത്തിന്റെ സ്ഥാപക പത്രാധിപരുമായ പി. നാരായണനും പത്മവിഭൂഷൺ നൽകും. നടൻ മമ്മൂട്ടിക്കും എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശനും പത്മഭൂഷണും പ്രഖ്യാപിച്ചു.
പരിസ്ഥിതി പ്രവർത്തക കൊല്ലക്കയിൽ ദേവകി അമ്മ, വിമല മേനോൻ തുടങ്ങിയവർക്ക് പത്മശ്രീയും പ്രഖ്യാപിച്ചു. പാരിസ്ഥിതിക മേഖലയ്ക്കുള്ള സമഗ്ര സംഭാവനയുടെ പശ്ചാത്തലത്തിലാണ് ദേവകി അമ്മയ്ക്ക് പുരസ്കാരം. ഇന്ത്യയുടെ നാരീശക്തി പുരസ്കാര ജേതാവു കൂടിയാണ് ദേവകി അമ്മ. അൺസംഗ് ഹീറോസ് വിഭാഗത്തിൽ 45 പേർക്കാണ് ഇത്തവണത്തെ പത്മശ്രീ പുരസ്കാരം ലഭിച്ചത്. കുറുമ്പ ഗോത്ര വിഭാഗത്തിലെ ചിത്രകാരനായ നീലഗിരി സ്വദേശി ആർ. കൃഷ്ണനും മരണാനന്തര ബഹുമതിയായി പത്മശ്രീ ലഭിച്ചു.
അന്തരിച്ച ബോളീവുഡ് നടന് ധര്മേന്ദ്രയ്ക്കും മരണാനന്തര ബഹുമതിയായി പത്മവിഭൂഷണ് പ്രഖ്യാപിച്ചിട്ടുണ്ട്. ഇന്ത്യന് ക്രിക്കറ്റ് ടീം മുന് നായകന് രോഹിത് ശര്മ്മ, വീരപ്പന് വേട്ടയ്ക്ക് നേതൃത്വം നല്കിയ കെ വിജയകുമാര് എന്നിവര്ക്കും പത്മശ്രീ ലഭിക്കും.
അങ്കെ ഗൗഡ (കര്ണാടക), അര്മിഡ ഫെര്ണാണ്ടസ് (മഹാരാഷ്ട്ര), ഭഗ്വദാസ് റായ്ക്വാര് (മദ്ധ്യപ്രദേശ്), ബ്രിജ് ലാല് ഭട്ട് (ജമ്മു കശ്മീര്), ബുദ്രി താതി (ഛത്തീസ്ഗഡ്), ചരണ് ഹെംബ്രം (ഒഡീഷ), ചിരഞ്ജി ലാല് യാദവ് (ഉത്തര്പ്രദേശ്), ധാര്മിക് ലാല് ചുനിലാല് (ഗുജറാത്ത്) തുടങ്ങിയവര്ക്കും പത്മശ്രീ ലഭിച്ചു.
updating…..
SUMMARY: V.S. Achuthanandan awarded Padma Vibhushan, posthumous honour, Mammootty awarded Padma Bhushan
