ബെംഗളൂരു: എസ്‌കെഎസ്എസ്എഫ് ബെംഗളൂരു ജില്ലാ കമ്മിറ്റി ഏകദിന ക്യാമ്പ് സംഘടിപ്പിച്ചു. വിവിധ സെഷനുകളിലായി നടന്ന ക്യാമ്പിന് ഉസ്താദ് റഷീദ് ഫൈസി വെള്ളായിക്കോട് നേതൃത്വം നല്‍കി. രജിസ്‌ട്രേഷനിലൂടെ തിരഞ്ഞെടുത്ത നൂറോളം വോളണ്ടിയര്‍മാരുടെ വിജിലന്റ് വിഖായ രൂപവത്കരണവും ക്യാമ്പില്‍ നടന്നു. ചാമരാജ് പേട്ട് പോലീസ് ഇന്‍പെക്ടര്‍ മുഹമ്മദ് ആരിഫ് മുല്ല ഖാന്‍ ചടങ്ങില്‍ മുഖ്യാതിഥിയായി.
ദുരിതാശ്വാസ പ്രവര്‍ത്തനങ്ങളിലും ദുരന്ത നിവാരണ പ്രവര്‍ത്തനങ്ങളിലും സ്വീകരിക്കേണ്ട രീതികളെക്കുറിച്ചും എന്‍.ഡി.ആര്‍.എഫ് ട്രൈനെര്‍ അഫ്രോസ് പാഷ പരിശീലനം നല്‍കി. ഫിറ്റ്‌നസ് ട്രൈനര്‍ സയീദ് സഹീദ് അല്‍ യമന്‍, സമദ് മൗലവി മാണിയൂര്‍, കര്‍ണാടക സിവില്‍ ഡിഫെന്‍സ് അംഗങ്ങളായ സഹീര്‍, അബ്ദു ആസാദ് നഗര്‍ തുടങ്ങിയവര്‍ സംസാരിച്ചു. വിഖായയുടെ കര്‍മ്മ പദ്ധതികള്‍ ജില്ലാ ട്രഷറര്‍ ഷാജല്‍ സി എച്ച് വിശദീകരിച്ചു. എസ്‌കെഎസ്എസ്എഫ് ജില്ലാ പ്രസിഡന്റ് ജുനൈദ് കെ അധ്യക്ഷത വഹിച്ചു.ജനറല്‍ സെക്രട്ടറി സലീം കെ കെ സ്വാഗതവും സാദിഖ് യഹ്യ നന്ദിയും പറഞ്ഞു. യാക്കൂബ് സിങ്സാന്ദ്ര, മഖ്‌സൂദ് മഡിവാള, സിറാജുദ്ധീന്‍ നദ്വി, ഷമീം കൊടഗ്, കരീം എം എസ് പാളയ, സാജിദ് ഗസാലി, ആരിഫ് ഹെബ്ബാള്‍, ഇല്യാസ് ബൊമ്മനഹള്ളി, റഷീദ് ഹെബ്ബാള്‍, റഫീഖ് കിനിയ, ആഷിക് മുണ്ടോള്‍, സിറാജ് എടപ്പലം, അഫ്‌സല്‍ ആര്‍സി പുര, തുടങ്ങിയവര്‍ ക്യാമ്പിന് നേതൃത്വം നല്‍കി.
<BR>
TAGS : SKSSF
