ന്യൂഡല്‍ഹി: ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധിയുടെ പ്രത്യേക വാര്‍ത്താ സമ്മേളനം ഇന്ന് രാവിലെ 10 മണിക്ക് ഡല്‍ഹിയിലെ പുതിയ കോണ്‍ഗ്രസ് ആസ്ഥാനത്ത് നടക്കും. വോട്ട് കൊള്ള ആരോപണവുമായി ബന്ധപ്പെട്ട കൂടുതല്‍ തെളിവുകള്‍ ഇന്ന് പുറത്ത് വിടുമെന്നാണ് റിപ്പോര്‍ട്ടുകള്‍.
നേരത്തെ തിരഞ്ഞെടുപ്പുമായി ബന്ധപ്പെട്ട് ഗുരുതര തെളിവുകള്‍ പുറത്തുവിടുമെന്നും, ഹൈഡ്രജന്‍ ബോംബിനായി കാത്തിരിക്കണമെന്നും ആ വിവരങ്ങൾ പുറത്ത് വന്നാൽ പ്രധാനമന്ത്രി നരേന്ദ്ര മോദിക്ക് ജനങ്ങളുടെ മുൻപിൽ നിൽക്കാൻ കഴിയില്ലെന്നും രാഹുൽ ഗാന്ധി അവകാശപ്പെട്ടിരുന്നു.
കഴിഞ്ഞ ആഗസ്റ്റ് ഏഴിന് ആണ് തിരഞ്ഞെടുപ്പ് കമീഷനെയും കേന്ദ്രസർക്കാറിനെയും പ്രതിക്കൂട്ടിലാക്കി കർണാടകയിലെ ലോക്‌സഭാ മണ്ഡലത്തിലെ ‘വോട്ട് കൊള്ള’ ആരോപണങ്ങൾ രാഹുൽ പുറത്തുവിട്ടത്.
SUMMARY: ‘Vote Chori’; Opposition leader Rahul Gandhi’s special press conference today
