ബെംഗളൂരു: മലയാളം മിഷന് ആഗോള തലത്തില് നടത്തിയ മത്സരങ്ങളില് വിജയിച്ച കര്ണാടക ചാപ്റ്ററിലെ വിദ്യാര്ത്ഥികള് തിരുവനന്തപുരത്ത് നടന്ന മാതൃഭാഷാ ദിനാചരണത്തില് വിദ്യാഭ്യാസ മന്ത്രി വി.ശിവന്കുട്ടിയില് നിന്നും സമ്മാനം നേടിയ ഏറ്റുവാങ്ങി.
സുഗതാഞ്ജലി ആഗോള കാവ്യാലാപന മത്സരത്തില് സബ് ജൂനിയര് വിഭാഗത്തില് രണ്ടാം സ്ഥാനം നേടിയ ദക്ഷ് എന് സ്വരൂപ് (മൈസൂരു കേരളസമാജം പഠന കേന്ദ്രം), ജൂനിയര് വിഭാഗത്തില് പ്രത്യേക ജൂറി പരാമര്ശം നേടിയ നസ്റിന് ഷാനിയാസ് (ബെംഗളൂരു സൗത്ത് കോണ്കോര്ഡ് മന്ഹാട്ടന്സ് അപ്പാര്ട്മെന്റ്), ഭാഷാ പ്രതിജ്ഞാ മത്സരത്തില് വിജയിച്ച ഒ.അക്ഷര (നോര്ത്ത് വെസ്റ്റ് കേരളസമാജം ) എന്നിവരാണ് സമ്മാനങ്ങള് ഏറ്റുവാങ്ങിയത്.
ബെംഗളൂരു ആസ്ഥാനമായി പ്രവര്ത്തിക്കുന്ന ഇന്ഡിക് ഫൗണ്ടേഷന്റെയും മലയാളം മിഷന് കര്ണാടക ചാപ്റ്ററിന്റെയും അഭ്യുദയകാംക്ഷിയും ഇംഗ്ലീഷ് മലയാളം തെസോറസ് രചയിതാവുമായ ഇ കെ കുറുപ്പ് ഈ വര്ഷത്തെ ഭാഷാ പ്രതിഭ പുരസ്കാരവും ഏറ്റുവാങ്ങി.
കര്ണാടകയില്നിന്ന് നീലക്കുറിഞ്ഞി തുല്യത പരീക്ഷ വിജയിച്ച 13 കുട്ടികള്ക്കുള്ള സര്ട്ടിഫിക്കറ്റുകളും ചടങ്ങില് വിതരണം ചെയ്തു. കര്ണാടക ചാപ്റ്റര് സെക്രട്ടറി ഹിത വേണുഗോപാല്, കണ്വീനര് ടോമി ആലുങ്കല് എന്നിവര് നേതൃത്വം നല്കി.
SUMMARY: Winners of Malayalam Mission Karnataka Chapter received the prizes
