കോഴിക്കോട്: ഫുട്‌ബോള്‍ ലോകകപ്പ് ക്വാര്‍ട്ടര്‍ ഫൈനലിലെ അര്‍ജന്റീനയുടെ വിജയം ആഘോഷിക്കാന്‍ പടക്കം പൊട്ടിച്ച യുവാവിന്റെ വിരലുകള്‍ അറ്റു. കോഴിക്കോട് ചക്കുംകടവ് സ്വദേശി മുഹമ്മദ് സഹദിനാണ് (22) പരുക്കേറ്റത്. ഇയാളെ സ്വകാര്യ ആശുപത്രിയില്‍ പ്രവേശിപ്പിച്ചു. സഹദിന്റെ ഇടത്തേ കൈയ്യിലെ രണ്ട് വിരലുകളാണ് അറ്റുപോയത്. ഇയാളെ അടിയന്തര ശസ്ത്രക്രിയക്ക് വിധേയനാക്കും.
ഇന്ന് രാവിലെ എക്സ്ട്രൈ ടൈം വരെ നീണ്ട പോരാട്ടത്തിനൊടുവില്‍ ഒന്നിനെതിരെ മൂന്ന് ഗോളുകള്‍ക്കാണ് അര്‍ജന്റീന സ്വിറ്റ്സര്‍ലന്‍ഡിനെ തകര്‍ത്ത് സെമിയില്‍ പ്രവേശിച്ചത്. അലെക്സിസ് മാക് അലിസ്റ്റര്‍(10), ഹൂലിയന്‍ അല്‍വാരസ്(112), ലൗട്ടാരോ മാര്‍ട്ടിനസ്(120+1) എന്നിവരാണ് അര്‍ജന്റീനക്കായി ഗോള്‍ നേടിയത്. 67ാം മിനിറ്റില്‍ ഡാന്‍ എന്‍ഡോയിയാണ് സ്വിറ്റ്സര്‍ലന്‍ഡിനായി ഗോള്‍ നേടിയത്.
SUMMARY: Young man loses fingers after firecracker explodes in his hand while celebrating Argentina’s victory
