കഴക്കൂട്ടത്ത് നിന്ന് കാണാതായ 13കാരിയായ തസ്മീത്ത് തംസത്തിനെ കണ്ടെത്തി. വിശാഖപട്ടണത്ത് നിന്നാണ് കുട്ടിയെ കണ്ടെത്തിയത്. താംബരം എക്സ്പ്രസ് ട്രെയിനില് നിന്നാണ് കുട്ടിയെ കണ്ടെത്തിയത്. കുട്ടിയെ കാണാതായി 37 മണിക്കൂറുകള്ക്ക് ശേഷമാണ് കണ്ടെത്തിയത്. പെൺകുട്ടി സുരക്ഷിതയാണ്. വിശാഖപട്ടണത്തുള്ള മലയാളി അസോസിയേഷന് പ്രതിനിധികളാണ് കുട്ടിയെ കണ്ടെത്തിയത്. ട്രെയിനിലെ ബെർത്തിൽ കിടക്കുകയായിരുന്നു കുട്ടി.
തിരുവനന്തപുരത്ത് നിന്ന് ചെന്നൈയിലെത്തിയ പെണ്കുട്ടി ഇവിടെ നിന്ന് വിശാഖപട്ടണത്തേക്ക് പോകുകയായിരുന്നു. വിവിധ സംഘങ്ങളായി തിരിഞ്ഞ് കേരളത്തിലും തമിഴ്നാട്ടിലും ഉള്പ്പെടെ പോലീസ് പരിശോധന നടത്തിവരികയായിരുന്നു. അതിനിടെയാണ് മലയാളികൾ ചേർന്ന് നടത്തിയ തെരച്ചിലിൽ കണ്ടെത്തിയത്. കുട്ടി ആഹാരമൊന്നും കഴിച്ചിട്ടില്ലെന്നും അവശയാണെന്നും മലയാളി അസോസിയേഷൻ പ്രതിനിധികളിൽ ഒരാളായ എൻ.എം. പിള്ള പറഞ്ഞു. വീട്ടില് നിന്ന് വഴക്ക് കൂടിയതിനെത്തുടര്ന്ന് പിണക്കം കാരണമാണ് വീട് വിട്ടിറങ്ങിയതെന്ന് കുട്ടി പോലീസിനോട് പറഞ്ഞു.
കഴക്കൂട്ടം സെന്റ് ആന്റണീസ് സ്കൂളിന് സമീപം വാടകയ്ക്ക് താമസിക്കുന്ന അന്വര് ഹുസൈന്റെ മൂത്തമകള് തസ്മിന് ബീഗത്തെയാണ് കാണാതായത്. സഹോദരങ്ങളുമായി വഴക്കിട്ടപ്പോള് അമ്മ ശകാരിച്ചതില് മനംനൊന്ത് വീടുവിട്ടിറങ്ങുകയായിരുന്നു.
<BR>
TAGS : GIRL MISSING
SUMMARY : The child who went missing from Kazhakoottam was found in Visakhapatnam
