കണ്ണൂര്: കണ്ണൂരില് ആളൊഴിഞ്ഞ പറമ്പില് നിന്നും സ്റ്റീല് ബോംബ് കണ്ടെത്തി. കൂത്തുപറമ്പ് ആമ്പിലാട് റോഡിനടുത്ത് ആളൊഴിഞ്ഞ പറമ്പില് ചാക്കില് കെട്ടിയ നിലയിലാണ് ബോംബുകള് കണ്ടെത്തിയത്. എരഞ്ഞോളിയില് നടന്ന ബോംബ് സ്ഫോടനത്തിന്റെ പശ്ചാത്തലത്തില് നടത്തിയ വ്യാപക തെരച്ചിലിലാണ് ബോംബ് കണ്ടെത്തിയത്. ഉഗ്രശേഷിയുള്ള ബോംബുകളാണ് കണ്ടെത്തിയതെന്ന് പോലീസ് പറഞ്ഞു.
എരഞ്ഞോളിയില് പറമ്പില് തേങ്ങ പെറുക്കാനായി എത്തിയ വേലായുധന് എന്നയാളാണ് കഴിഞ്ഞ ദിവസം സ്റ്റീല് ബോംബ് സ്ഫോടനത്തില് കൊല്ലപ്പെട്ടത്. തേങ്ങ പെറുക്കുന്നതിനിടെ പറമ്പിൽനിന്ന് കിട്ടിയ വസ്തു ബോംബ് ആണെന്ന് അറിയാതെ തുറന്നപ്പോൾ പൊട്ടിത്തെറിക്കുകയായിരുന്നു. ഇതിന് പിന്നാലെ ജില്ലയിലെ വിവിധ ഭാഗങ്ങളിൽ പോലീസ് പരിശോധന ശക്തമാക്കിയിരുന്നു. ഇതിനിടെയാണ് ബോംബ് കണ്ടെത്തിയത്. കൂത്തുപറമ്പ്, തലശ്ശേരി, മാഹി, മട്ടന്നൂർ എന്നിവിടങ്ങളിലായിരുന്നു പ്രധാനമായും തെരച്ചിൽ നടത്തിയത്.
<br>
TAGS : KANNUR | BOMB FOUND
SUMMARY : A steel bomb was found in an abandoned field in Kannur
