ബെംഗളൂരു: കാണാതായ രണ്ട് ആൺകുട്ടികളെ മരിച്ച നിലയിൽ കണ്ടെത്തി. തുമകുരു തിപ്റ്റൂർ താലൂക്കിലെ ഗൊല്ലറഹട്ടിയിൽ നിന്ന് വ്യാഴാഴ്ച വൈകുന്നേരം മുതൽ കാണാതായ യദുവീർ (8), മനോഹർ (10) എന്നിവരാണ് മരിച്ചത്. കുട്ടികളെ വെള്ളിയാഴ്ച യെട്ടിനഹോളെ കനാലിന് സമീപമുള്ള കുഴിയിൽ മരിച്ച നിലയിൽ കണ്ടെത്തുകയായിരുന്നു.
കളിക്കുന്നതിനിടെ കുട്ടികൾ കുഴിയിൽ വീണതാകാമെന്നാണ് പോലീസിന്റെ പ്രാഥമിക നിഗമനം. വ്യാഴാഴ്ച തിപ്റ്റൂർ റൂറൽ പോലീസ് സ്റ്റേഷനിൽ ഇവരെ കാണാനില്ലെന്ന പരാതി രജിസ്റ്റർ ചെയ്തിരുന്നു. പ്രദേശത്ത് മുഴുവൻ തിരച്ചിൽ നടത്തിയെങ്കിലും കുട്ടികളെ കണ്ടെത്തിയിരുന്നില്ല. പിന്നീടാണ് അടുത്ത ദിവസം കുഴിയിൽ രണ്ട് പേരെയും മരിച്ച നിലയിൽ കണ്ടത്. സംഭവത്തിൽ തുമകുരു റൂറൽ പോലീസ് കേസെടുത്തു.
TAGS: KARNATAKA | DEATH
SUMMARY: Two missing boys found dead in pit near Tiptur village
