കർണാടകയിലെ ജലക്ഷാമം; നിർജലീകരണത്തെ തുടർന്ന് രണ്ട് ആനകൾ ചെരിഞ്ഞു

ബെംഗളൂരു: ജലക്ഷാമം രൂക്ഷമായ കർണാടകയിൽ നിർജലീകരണത്തെ തുടർന്ന് രണ്ട് ആനകൾ ചെരിഞ്ഞു. ബിലിക്കൽ  ഫോറസ്റ്റ് ഡിവിഷനിലെ 25 വയസ്സുള്ള മഖാന എന്ന് പേരുള്ള ആനയും, രാമനഗര വന്യജീവി സങ്കേതത്തിൽ 15 വയസുള്ള മറ്റൊരു ആനയുമാണ് ചെരിഞ്ഞത്. രണ്ട് മരണങ്ങൾക്കും കാരണം നിർജലീകരണത്തെ തുടർന്നുണ്ടായ ആരോഗ്യ പ്രശ്നങ്ങളാണെന്ന് വനം വകുപ്പ് ഉദ്യോഗസ്ഥർ സ്ഥിരീകരിച്ചു.

മഖാനയ്ക്ക് എലിഫൻ്റ് ഹെർപ്പസ് വൈറസ് എന്ന രോഗബാധയുമുണ്ടായിരുന്നു. അസുഖം കാരണം ഒരുപാട് ദൂരം നടന്ന് വെള്ളം കണ്ടെത്തി കുടിക്കാൻ ആനയ്ക്ക് സാധിച്ചിരുന്നില്ല. ദിവസങ്ങളോളം വെള്ളം കുടിക്കാതെ നിന്നതോടെ മഖാനയ്ക്ക് ഗുരുതര ആരോഗ്യ പ്രശ്നങ്ങൾ പിടിപെടുകയായിരുന്നുവെന്ന് ബന്നാർഘട്ട നാഷണൽ പാർക്ക് ഡെപ്യൂട്ടി കൺസർവേറ്റർ ഓഫ് ഫോറസ്റ്റ് (ഡിസിഎഫ്) ഓഫിസർ പ്രഭാകർ പ്രിയദർശി പറഞ്ഞു.

രാമനഗര വന്യജീവി സങ്കേതത്തിൽ മെറ്റബോളിക് അസിഡോസിസ് ബാധിച്ചാണ് 15 വയസ്സുള്ള ആന ചെരിഞ്ഞത്. ഭക്ഷണവും കൃത്യമായ അളവിൽ വെള്ള ലഭ്യമല്ലാത്തതിനാലുമാണ് മരണം സംഭവിച്ചതെന്ന് രാമനഗര ഡിസിഎഫ് രാമകൃഷ്ണ പറഞ്ഞു.

The post കർണാടകയിലെ ജലക്ഷാമം; നിർജലീകരണത്തെ തുടർന്ന് രണ്ട് ആനകൾ ചെരിഞ്ഞു appeared first on News Bengaluru.