ബെംഗളൂരു: കടുത്ത വേനൽ ചൂടിൽ കർണാടക. കല്യാണ കർണാടക മേഖലയിലാണ് (ഹൈദ്രബാദ്-കർണാടക) സംസ്ഥാനത്ത് ഏറ്റവും കൂടുതൽ വേനൽ ചൂട് അനുഭവപ്പെടുന്നത്. വടക്കൻ കർണാടക ജില്ലകളിൽ നാൽപതു ഡിഗ്രി സെൽഷ്യസിന് മുകളിലാണ് താപനില. ഞായറാഴ്ച കലബുർഗി ജില്ലയിൽ മാത്രം രേഖപ്പെടുത്തിയ താപനില 43.1 ഡിഗ്രി സെൽഷ്യസാണ്.
റായ്ച്ചൂർ, കൊപ്പാൽ, ബാഗൽകോട്ട്, വിജയപുര ജില്ലകളിലും താപനില 40 ഡിഗ്രി സെൽഷ്യസ് കടന്നു. ഇതിനോടകം സംസ്ഥാന ആരോഗ്യ വകുപ്പ് ഉഷ്ണ തരംഗ മുന്നറിയിപ്പും ജാഗ്രതാ നിർദേശവും നൽകിയിട്ടുണ്ട്. ബെംഗളൂരുവിലും കഴിഞ്ഞ എട്ടു വർഷത്തിനിടെയുള്ള ഏറ്റവും കടുത്ത വേനൽ ചൂട് ആണ് രേഖപ്പെടുത്തിയത്. ഞായറാഴ്ച 37.6 ഡിഗ്രി സെൽഷ്യസ് താപനില നഗരത്തിൽ രേഖപ്പെടുത്തി.
സാധാരണ വേനൽക്കാലങ്ങളിൽ ബെംഗളൂരുവിൽ താപനില 35ൽ കവിയാറില്ല. എന്നാൽ ഇത്തവണ റെക്കോർഡ് ചൂട് ആണ് അനുഭവപ്പെടുന്നത്. രണ്ട് മുതൽ നാല് ഡിഗ്രി സെൽഷ്യസ് വരെ വരും ദിവസങ്ങളിൽ താപനില ഉയരുമെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നൽകിയിട്ടുണ്ട്.
The post വേനലിൽ വെന്തുരുകി കർണാടക; കലബുർഗിയിൽ രേഖപ്പെടുത്തിയത് റെക്കോർഡ് താപനില appeared first on News Bengaluru.
Powered by WPeMatico
