ബെംഗളൂരു: സംസ്ഥാനത്തിന്റെ ആറ് പുതിയ ജലസേചന പദ്ധതികൾക്ക് അംഗീകാരവും സാമ്പത്തിക സഹായവും നല്‍കണമെന്ന് കേന്ദ്രത്തോട് ആവശ്യപ്പെട്ട് കർണാടക ഉപമുഖ്യമന്ത്രി ഡി.കെ. ശിവകുമാർ. നിലവിലുള്ള ജലസേചന പദ്ധതികൾക്ക് അംഗീകാരവും ഫണ്ടും അനുവദിക്കണമെന്നും ശിവകുമാര്‍ പറഞ്ഞു.
11,123 കോടി രൂപ ചെലവ് പ്രതീക്ഷിക്കുന്ന ആറ് പുതിയ നിർദേശങ്ങൾക്ക് പ്രധാനമന്ത്രി ജലസേചന പദ്ധതി പ്രകാരം ധനസഹായം അത്യാവശ്യമാണ്. ബെന്നഹള്ളിയിലെ വെള്ളപ്പൊക്ക മാനേജ്മെന്‍റ്, ഭീമാ നദിക്ക് കുറുകെയുള്ള സോന്തി ലിഫ്റ്റ് ഇറിഗേഷൻ പദ്ധതിയുടെ കീഴിൽ 16,000 ഹെക്‌ടറിൽ ശുദ്ധജല ജലസേചന പദ്ധതി, മാലപ്രഭ കനാൽ സംവിധാനങ്ങളിലെ ആധുനികവൽക്കരണ (ഇആർഎം) പ്രവർത്തനങ്ങൾ, അപ്പർ കൃഷ്‌ണ പദ്ധതിയുടെ കീഴിലുള്ള ഇൻഡി ബ്രാഞ്ച് കനാൽ, ഘട്ടപ്രഭ വലതുകര കനാൽ, ചിക്കോടി ബ്രാഞ്ച് കനാൽ, തുംഗഭദ്ര കനാൽ എന്നിവയാണ് പദ്ധതികൾ.
ഇവ വിജയപുര, ധാർവാഡ്, ബെളഗാവി, ബാഗൽകോട്ട്, ഗഡഗ്, കോപ്പാൾ, റായ്ച്ചൂർ ജില്ലകൾക്ക് ഗുണം ചെയ്യും. കർണാടകയിലെ നിലവിലുള്ള മറ്റ് ജലസേചന പദ്ധതികളെക്കുറിച്ചും കേന്ദ്രസർക്കാർ പരിഗണിക്കണമെന്നും അദ്ദേഹം ആവശ്യപ്പെട്ടു.
TAGS: KARNATAKA
SUMMARY: DK Shivakumar seeks help from cehtre for irrigation works
