അരുണാചല് പ്രദേശില് മലയാളികള് മരിച്ച സംഭവത്തില് കൂടുതല് തെളിവുകളുണ്ടെന്ന് പോലീസ്. നവീന്റെ ഉപേക്ഷിക്കപ്പെട്ട കാറില് നിന്നാണ് തെളിവുകള് കണ്ടെത്തിയത്. ഡ്രാഗന്റേയും അന്യഗ്രഹ ജീവികളുടേയും ചിത്രങ്ങള്, കത്തികള്, സ്ഫടികക്കല്ലുകള് എന്നിവയാണ് കണ്ടെത്തിയത്.
ഇത് നേരത്തേ ഇവരുടെ പക്കല് നിന്ന് കണ്ടെത്തിയ ഇ-മെയിലില് സൂചിപ്പിച്ചിട്ടുള്ള കല്ലുകളാണെന്നാണ് കരുതപ്പെടുന്നത്. ‘ഡോണ്ബോസ്കോ’ എന്ന വിലാസത്തില് നിന്ന് ആര്യക്ക് വന്ന മെയിലിലാണ് ഇവയെ കുറിച്ച് പ്രതിപാദിച്ചിട്ടുള്ളത്. ഈ മെയില് ഐഡിയുമായി ബന്ധപ്പെട്ടും പോലീസ് അന്വേഷണം നടത്തുന്നുണ്ട്. ഇവ പ്രത്യേക വിശ്വാസത്തിന് ഉപയോഗിക്കുന്നവയെന്നും സൂചനയുണ്ട്. ഡോണ് ബോസ്കോ എന്ന പേരില് മെയില് അയച്ചത് നവീനെന്നും സംശയമുണ്ട്. ആര്യയുടെ ആഭരണങ്ങള് യാത്രക്ക് വേണ്ടി വിറ്റെന്നും സംശയമുണ്ട്.
ദമ്പതികളായ നവീൻ, ഭാര്യ ദേവി, സുഹൃത്ത് ആര്യ എന്നിവരെയാണ് അരുണാചല്പ്രദേശിലെ ഹോട്ടല് മുറിയില് മരിച്ചനിലയില് കണ്ടെത്തിയത്. ആര്യയെ കാണാതായെന്ന് കാണിച്ച് ബന്ധുക്കള് കഴിഞ്ഞ മാസം 27ന് പോലീസില് പരാതി നല്കിയിരുന്നു. ആര്യ തിരുവനന്തപുരം സ്വദേശിനിയാണ്. നവീനും ദേവിയും കോട്ടയം സ്വദേശികളാണ്. ആര്യയും ദേവിയും തിരുവനന്തപുരത്ത് ഒരുമിച്ച് ജോലി ചെയ്തിരുന്നു.
ബ്ലാക്ക് മാജിക്ക് കേന്ദ്രീകരിച്ചാണ് കേസില് അന്വേഷണം പുരോഗമിക്കുന്നത്. ഇവർ ആത്മഹത്യ ചെയ്യാന് അരുണാചല് പ്രദേശിലെ സിറോ എന്ന സ്ഥലം തിരഞ്ഞെടുത്തത് എന്തിന് എന്ന ചോദ്യത്തിനുത്തരമാണ് പോലീസ് അന്വേഷിക്കുന്നത്. സിറോയ്ക്ക് സമീപം ബ്ലാക്ക് മാജിക്കുമായി ബന്ധപ്പെട്ടവയുണ്ടോയെന്നും പരിശോധിക്കുന്നു.
The post അരുണാചലിലെ മലയാളികളുടെ മരണം; നവീന്റെ കാറിൽ നിന്നും പ്രത്യേകതരം കല്ലുകളും ചിത്രങ്ങളും കണ്ടെടുത്തു appeared first on News Bengaluru.
Powered by WPeMatico
WhatsApp
Telegram
