പാരിസ് ഒളിമ്പിക്സ് ഗുസ്തിയില് ഇന്ത്യന് താരം വിനേഷ് ഫോഗട്ടിനെ അയോഗ്യയാക്കിയതിനെതിരായ അപ്പീല് തള്ളി. കായിക കോടതിയുടേതാണ് ഉത്തരവ്. 100 ഗ്രാം ഭാരക്കൂടുതല് ചൂണ്ടിക്കാട്ടിയായിരുന്നു വിനേഷിനെ അയോഗ്യയാക്കിയിരുന്നത്. ഫൈനലിന് മുമ്പ് അയോഗ്യയാക്കിയ നടപടി റദ്ദാക്കണമെന്നും തനിക്ക് വെള്ളി മെഡലെങ്കിലും അനുവദിക്കണമെന്നുമായിരുന്നു വിനേഷിന്റെ ആവശ്യം.
ഒളിംപിക്സില് വിനേഷ് ഫോഗട്ട് മാത്രമല്ല, മറ്റ് പല താരങ്ങളും ഭാരപരിശോധനയില് പരാജയപ്പെട്ടിട്ടുണ്ടെന്നും വിനേഷ് ഫോഗട്ടിന് മാത്രമായി ഒരു ഇളവ് അനുവദിക്കാന് കഴിയില്ലെന്നുമായിരുന്നു ഫെഡറേഷന് വാദത്തിനിടെ കോടതിയില് ആവര്ത്തിച്ചു പറഞ്ഞത്. മെഡലുറപ്പിച്ച താരം അയോഗ്യയായതോടെ അവസാന സ്ഥാനത്തേക്ക് തള്ളപ്പെടുകയായിരുന്നു.
വനിതകളുടെ 50 കിലോഗ്രാം വിഭാഗം ഫൈനലില് പ്രവേശിച്ച വിനേഷിന് മത്സര ദിവസത്തിൽ നടത്തിയ ഭാരപരിശോധനയില് 100 ഗ്രാം കൂടുതലായിരുന്നു. ഇതോടെയാണ് അയോഗ്യയാക്കപ്പെട്ടത്.
രണ്ട് ദിവസങ്ങളായി നടന്ന ഗുസ്തി മത്സരങ്ങളില് രണ്ട് തവണയാണ് ഭാര പരിശോധന നടത്തിയത്. ഇതില് സെമി/ക്വാര്ട്ടര്/പ്രീ ക്വാര്ട്ടര് മത്സരങ്ങള്ക്ക് മുമ്പ് നടന്ന ആദ്യ പരിശോധനയില് വിനേഷിന്റെ ഭാരം നിശ്ചയിച്ച 50 കിലോഗ്രാമിലും താഴെയായിരുന്നു.
Wrestler Vinesh Phogat’s petition for joint silver medal in Olympics 2024 has been dismissed by Court of Arbitration for Sport: sources#VineshPhogat #Olympics #Paris2024 https://t.co/gtyEsRKFtk pic.twitter.com/lI04USSraK
— NDTV Sports (@Sports_NDTV) August 14, 2024
TAGS: OLYMPIC | VINESH PHOGAT
SUMMARY: Vinesh Phogat’s Petition For Silver In Olympics 2024 Dismissed By Court Of Arbitration For Sport
