ബെംഗളൂരു : കെഎൻഎസ്എസ് (കർണാടക നായർ സർവീസ് സൊസൈറ്റി) സംഘടിപ്പിച്ച ഇന്റർ കരയോഗം പൂക്കളമത്സരത്തിൽ മത്തിക്കരെ കരയോഗം ജേതാക്കളായി. സാറ്റലൈറ്റ് ടൗണിലുള്ള അംബേദ്കർ ഭവനിൽ നടന്ന മത്സരത്തിൽ ബെംഗളുരുവിൽ നിന്നുള്ള 17 ടീമുകൾ പങ്കെടുത്തു. ജയമഹൽ കരയോഗം രണ്ടും എം.എസ്. നഗർ കരയോഗം മൂന്നും സ്ഥാനങ്ങള് നേടി. യെലഹങ്ക, ദാസറഹള്ളി കരയോഗം ടീമുകൾ പ്രോത്സാഹന സമ്മാനം നേടി.
വിജയികൾക്ക് ചെയർമാൻ രാമചന്ദ്രൻ പാലേരിയും ജനറൽ സെക്രട്ടറി ആർ. മനോഹര കുറുപ്പും ട്രോഫിയും കാഷ് പ്രൈസും വിതരണം ചെയ്തു. ജോയിന്റ് ട്രഷറർ സി. വേണുഗോപാൽ, ബോർഡ് അംഗം ജി.കെ. കുറുപ്പ് എന്നിവർ നേതൃത്വം നൽകി.
<br>
TAGS : KNSS
