ബെംഗളൂരു: ഗതാഗത നിയമലംഘനവുമായി ബന്ധപ്പെട്ട് ബെംഗളൂരുവിൽ കഴിഞ്ഞ വർഷം 82 ലക്ഷം കേസുകൾ രജിസ്റ്റർ ചെയ്തു. നിയമലംഘകരിൽ നിന്നും 80.9 കോടി രൂപയാണ് ട്രാഫിക് പോലീസ് ഈടാക്കിയത്. മദ്യപിച്ച് വാഹനമോടിച്ചതിന് മാത്രം കേസുകൾ 23,574 കേസുകൾ റിപ്പോർട്ട് ചെയ്തിട്ടുണ്ട്. മദ്യപിച്ച് വാഹനമോടിക്കുന്നവരെ കണ്ടെത്തുന്നതിനായി 12 ലക്ഷം വാഹനങ്ങൾ പരിശോധിച്ചു. 201 സ്കൂൾ ബസ് ഡ്രൈവർമാർക്കെതിരെയും 83 സ്വകാര്യ ബസ് ഡ്രൈവർമാർക്കെതിരെയും 67 വാട്ടർ ടാങ്കർ ഡ്രൈവർമാർക്കെതിരെയും കേസുകൾ രജിസ്റ്റർ ചെയ്തു.
കഴിഞ്ഞ മൂന്ന് വർഷത്തിനിടെ നഗരത്തിൽ റിപ്പോർട്ട് ചെയ്ത റോഡപകടങ്ങളിൽ 2,575 പേർക്ക് ജീവൻ നഷ്ടമായപ്പോൾ 11,432 പേർക്ക് ഗുരുതരമായി പരുക്കേറ്റു. പുതുവർഷത്തോടനുബന്ധിച്ച് ചൊവ്വാഴ്ച രാത്രി നടത്തിയ പ്രത്യേക പരിശോധനകളിൽ മാത്രം മദ്യപിച്ച് വാഹനമോടിച്ച 513 പേരെ പിടികൂടി.2024ൽ 4,784 മാരക അപകടങ്ങൾ രേഖപ്പെടുത്തിയിട്ടുണ്ട്. 893 പേർക്ക് ജീവൻ നഷ്ടമായി. കാൽനടയാത്രക്കാരുടെ മരണനിരക്ക് 23.17 ശതമാനം കുറഞ്ഞു. 2024ൽ 233 കാൽനടയാത്രക്കാർക്ക് വിവിധ അപകടങ്ങളിൽ ജീവൻ നഷ്ടപ്പെട്ടതായി ട്രാഫിക് പോലീസ് പറഞ്ഞു.
TAGS: BENGALURU | TRAFFIC VIOLATION
SUMMARY: City traffic police registers 82 lakh violation cases last year
