ബെംഗളൂരു: ലാൽബാഗ് പുഷ്പമേളയോടനുബന്ധിച്ച് ബെംഗളൂരുവിൽ അടുത്ത 11 ദിവസത്തേക്ക് പാർക്കിംഗ് നിയന്ത്രണം ഏർപ്പെടുത്തിയതായി സിറ്റി ട്രാഫിക് പോലീസ് അറിയിച്ചു. വിൽസൺ ഗാർഡൻ ട്രാഫിക് പോലീസ് സ്റ്റേഷന്റെയും പരിസര പ്രദേശങ്ങളുടെയും പരിധിക്കുള്ളിലാണ് പാർക്കിംഗ് നിയന്ത്രണം ഏർപ്പെടുത്തുക.
ഡോ. മാരിഗൗഡ റോഡിന്റെ ഇരുവശത്തും, ലാൽബാഗ് മെയിൻ ഗേറ്റ് മുതൽ നിംഹാൻസ് വരെയും, ഡബിൾ റോഡിന്റെ ഇരുവശത്തും കെഎച്ച് സർക്കിൾ മുതൽ ശാന്തിനഗർ ജംഗ്ഷൻ വരെയും, ലാൽബാഗ് റോഡിന്റെ ഇരുവശത്തും സുബ്ബയ്യ സർക്കിൾ മുതൽ ലാൽബാഗ് മെയിൻ ഗേറ്റ് വരെയും പാർക്കിംഗ് അനുവദിക്കില്ല.
സിദ്ധയ്യ റോഡിന്റെ ഇരുവശത്തും, ഉർവശി തിയേറ്റർ ജംഗ്ഷൻ മുതൽ വിൽസൺ ഗാർഡൻ 12-ാം ക്രോസ് വരെ, ബിഎംടിസി ജംഗ്ഷൻ മുതൽ ബിടിഎസ് റോഡിലെ പോസ്റ്റ് ഓഫീസ് വരെയും, ക്രുംബിഗൽ റോഡിന്റെ ഇരുവശത്തും, ലാൽബാഗ് വെസ്റ്റ് ഗേറ്റ് മുതൽ ആർവി ടീച്ചേഴ്സ് കോളേജ്, അശോക പില്ലർ, സിദ്ധാപുര ജംഗ്ഷൻ വരെയും നിയന്ത്രണങ്ങൾ ബാധകമാണ്.
അതേസമയം ഡോ. മാരിഗൗഡ റോഡിലെ അൽ-അമീൻ കോളേജ് പരിസരം (ഇരുചക്ര വാഹനങ്ങൾക്ക്), ശാന്തിനഗർ ബിഎംടിസി മൾട്ടി-സ്റ്റോറി പാർക്കിംഗ് സ്ഥലം, ഹോപ്കോംസ് പാർക്കിംഗ് സ്ഥലം, കോർപ്പറേഷൻ പാർക്കിംഗ് സ്ഥലം എന്നിവയുൾപ്പെടെയുള്ള സ്ഥലങ്ങളിൽ പാർക്കിംഗ് അനുവദിക്കും.
TAGS: BENGALURU | PARKING RESTRICTED
SUMMARY: Parking restricted in city amid lalbag flower show
