ബെംഗളൂരു: രേണുകസ്വാമി കൊലക്കേസിൽ അറസ്റ്റിലായ നടൻ ദർശൻ തോഗുദീപയുടെ ജാമ്യഹർജിയിൽ നാളെ കോടതി വാദം കേൾക്കും. ജസ്റ്റിസ് എസ്.വിശ്വജിത്ത് ഷെട്ടി അധ്യക്ഷനായ സിംഗിൾ ബെഞ്ച് മുമ്പാകെയാണ് വാദം നടക്കുക. ഹർജി കോടതി തിങ്കളാഴ്ച പരിഗണിച്ചെങ്കിലും, വിശദ വാദം കേൾക്കുന്നതിനായി ചൊവ്വാഴ്ചത്തേക്ക് മാറ്റിവെക്കുകയായിരുന്നു.
ആരോഗ്യനില വഷളായിക്കൊണ്ടിരിക്കുകയാണെന്നും, ജയിലിൽ നിന്ന് മാറ്റിയില്ലെങ്കിൽ തനിക്ക് എന്ത് വേണമെങ്കിലും സംഭവിക്കാമെന്നും ചൂണ്ടിക്കാട്ടിയാണ് നടൻ ജാമ്യാപേക്ഷ നൽകിയത്. ദർശൻ്റെ ആരോഗ്യനില സംബന്ധിച്ച് മെഡിക്കൽ റിപ്പോർട്ട് സമർപ്പിക്കാൻ ബെള്ളാരി ജയിലധികൃതർക്ക് കോടതി അടുത്തിടെ നിർദേശം നൽകി.
ഇതേതുടർന്ന് ദർശൻ്റെ അഭിഭാഷക സംഘം അദ്ദേഹത്തിന്റെ മെഡിക്കൽ റിപ്പോർട്ട് ജഡ്ജിക്ക് സമർപ്പിച്ചിരുന്നു. ജയിൽ ഉദ്യോഗസ്ഥരും റിപ്പോർട്ടിൻ്റെ മുദ്രവച്ച പകർപ്പ് കോടതിയിൽ സമർപ്പിച്ചു. ഇതോടെയാണ് വാദം കേൾക്കുന്നത് ചൊവ്വാഴ്ചത്തേക്ക് തീരുമാനിച്ചത്.
TAGS: BENGALURU | DARSHAN THOOGUDEEPA
SUMMARY: Renukaswamy Case, HC to hear Darshan’s bail plea for Oct 29
