ബെംഗളൂരു: ബെംഗളൂരുവിൽ സ്കൂട്ടർ ടാങ്കർ ലോറിയിലിടിച്ചുണ്ടായ അപകടത്തിൽ ഒരാൾ മരിച്ചു. വെള്ളിയാഴ്ച പുലർച്ചെ ഐഐഎം-ബി ക്യാമ്പസിന് സമീപമാണ് അപകടമുണ്ടായത്. ബെന്നിഗനഹള്ളിയിൽ താമസിക്കുന്ന തമിഴ്നാട് സ്വദേശിയും സോഫ്റ്റ്വെയർ എഞ്ചിനീയറുമായ രഘുപതിയാണ് (39) മരിച്ചത്.
ബാഗ്മാനെ ടെക് പാർക്കിലെ സോഫ്റ്റ്വെയർ കമ്പനിയിൽ ജീവനക്കാരനായിരുന്നു. ബേഗൂരിൽ സുഹൃത്തിനെ സന്ദർശിച്ച ശേഷം വീട്ടിലേക്ക് മടങ്ങവേയാണ് അപകടമുണ്ടായത്. ബന്നാർഘട്ട റോഡിലേക്ക് തിരിയുകയായിരുന്ന വാട്ടർ ടാങ്കറുമായി രഘുപതിയുടെ സ്കൂട്ടർ കൂട്ടിയിടിക്കുകയായിരുന്നു. ഉടൻ തന്നെ രഘുപതിയെ അടുത്തുള്ള സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ മൈക്കോ ലേഔട്ട് പോലീസ് കേസെടുത്തു.
TAGS: BENGALURU | ACCIDENT
SUMMARY: Techie dies after scooter collides with tanker lorry
