ബെംഗളൂരു: സ്കൂളിൽ വെച്ച് എട്ട് വയസുകാരിയെ കൂട്ടബലാത്സംഗത്തിനിരയാക്കിയതായി പരാതി. മാണ്ഡ്യയിലെ സർക്കാർ സ്കൂളിലാണ് സംഭവം. മൂന്ന് പേർ പെൺകുട്ടിയെ കത്തി കാണിച്ച് ഭീഷണിപ്പെടുത്തി ബലാത്സംഗം ചെയ്തതായാണ് പരാതി. കുട്ടിയുടെ രക്ഷിതാക്കളുടെ പരാതിയിൽ മാണ്ഡ്യ പോലീസ് കേസെടുത്തു.
കഴിഞ്ഞ ദിവസം പെൺകുട്ടിക്ക് രക്തസ്രാവം തുടങ്ങിയതോടെയാണ് സംഭവം പുറത്തറിയുന്നത്. ഉടൻ സ്കൂൾ അധികൃതരെ വിവരം അറിയിച്ചെങ്കിലും കാര്യമായ നടപടി ഉണ്ടായില്ല. ഇതോടെയാണ് ഇവർ പോലീസിൽ പരാതി നൽകിയത്.
എന്നാൽ പെൺകുട്ടിയുടെ മൊഴിയില്‍ വ്യക്തത ഇല്ലെന്ന് പോലീസ് പറഞ്ഞു. തന്നെ പീഡിപ്പിച്ചെന്ന് കുട്ടി പറഞ്ഞ മൂന്ന് ആൺകുട്ടികളും അന്നേദിവസം സ്കൂളിൽ വന്നിരുന്നില്ല. ശിശു വികസന ഓഫീസർ കുട്ടിയെ കൗൺസിലിംഗ് ചെയ്യുന്നുണ്ടെന്ന് മാണ്ഡ്യ എസ്പി മല്ലികാർജുൻ ബാലദണ്ടി പറഞ്ഞു.
TAGS: KARNATAKA | RAPE
SUMMARY: Eight year old complaints of gangrape
