പത്തനാപുരം: വീട്ടില് ഉറങ്ങിക്കിടക്കുകയായിരുന്ന പെണ്കുട്ടിയുടെ ശരീരത്തിലേക്ക് മേല്ക്കൂരയില് നിന്ന് പാമ്പ് വീണു. പിടവൂര് മൂലംകോട് രാജേഷ് ഭവനില് രേവതി (15)ക്കാണ് പാമ്പു കടിയേറ്റത്. ബുധനാഴ്ച പുലര്ച്ചെ രണ്ടരയോടെയാണ് സംഭവം. രേവതി ഉറങ്ങിക്കിടന്ന മുറിയുടെ ഷീറ്റിട്ട മേല്ക്കൂരയില്നിന്ന് പാമ്പും എലിയും പെണ്കുട്ടിയുടെ ദേഹത്തേക്ക് വീഴുകയായിരുന്നു.
നിലവിളിച്ചുകൊണ്ട് ഉണര്ന്ന രേവതി പാമ്പിനെ കണ്ടെങ്കിലും, കാലിലെ മുറിവ് എലി കടിച്ചതാകാമെന്നാണ് വീട്ടുകാര് ആദ്യം കരുതിയത്. വീട്ടില് എലിശല്യം രൂക്ഷമായതിനാല് ലൈറ്റിട്ടാണ് കുടുംബം ഉറങ്ങാറുള്ളത്. കുറച്ചുസമയത്തിന് ശേഷം രേവതിക്ക് തലചുറ്റലും അസഹ്യമായ കാല്വേദനയും അനുഭവപ്പെട്ടതോടെയാണ് ഉടന് ആശുപത്രിയില് എത്തിച്ചത്. ഡോക്ടര്മാര് നടത്തിയ പരിശോധനയിലാണ് പാമ്പുകടിയേറ്റതാണെന്ന് സ്ഥിരീകരിച്ചത്. പെണ്കുട്ടി നിലവില് തീവ്രപരിചരണ വിഭാഗത്തില് നിരീക്ഷണത്തിലാണ്.
SUMMARY: 15-year-old girl in critical condition after being bitten by snake that fell from roof while she was sleeping
