ബെംഗളൂരു: ബെംഗളൂരു -മൈസൂരു എക്സ്പ്രസ്സ് വേയിൽ കെങ്കേരിക്ക് സമീപം ഉണ്ടായ ബൈക്കപകടത്തിൽ രണ്ട് കോളേജ് വിദ്യാർഥികൾ മരിച്ചു. കെങ്കേരി ബിജെഎസ് കോളേജിലെ നാലാം വര്‍ഷ നഴ്സിംഗ് വിദ്യാർത്ഥികളും മലയാളികളുമായ കണ്ണൂര്‍ സ്വദേശി അതുൽ സിബി (22), എറണാകുളം മുളംതുരുത്തി എരുമേലിൽ ജി ഗിരീഷ് കുമാറിന്റെ മകൻ ഗൗരീശങ്കർ (22) എന്നിവരാണ് മരിച്ചത്. ഇന്ന് പുലർച്ചെ രണ്ട് മണിക്ക് രാജരാജേശ്വരി കോളേജിന് സമീപത്ത് വെച്ചായിരുന്നു അപകടം. ഇരുവരും സഞ്ചരിച്ച ബൈക്ക് നിയന്ത്രണം വിട്ട് മറിഞ്ഞാണ് അപകടം.
മൃതദേഹങ്ങൾ രാജരാജേശ്വരി മെഡിക്കല്‍ കോളേജ് മോർച്ചറിയിലാണ് ഉള്ളത്. ഇരുവരുടെയും ബന്ധുക്കൾ നാട്ടിൽ നിന്നും വിവരമറിഞ്ഞ് ബെംഗളൂരുവിലേക്ക് തിരിച്ചിട്ടുണ്ട്. മൃതദേഹം രാജ രാജേശ്വരി മെഡിക്കല്‍ കോളജില്‍ പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് കൈമാറും. കെങ്കേരി പോലീസ് സംഭവത്തില്‍ അന്വേഷണം ആരംഭിച്ചു
SUMMARY: Bike accident on Bengaluru-Mysore Expressway; Two Malayali students die
