തിരുവനന്തപുരം: സ്കൂള് വാൻ കനാലിലേക്ക് മറിഞ്ഞ് അപകടം. 31 പേരാണ് വാനിലുണ്ടായിരുന്നത്. 27 പേർക്ക് പരുക്കേറ്റു. ആയയും ഒരു കുട്ടിയും ഐസിയുവിലാണ്. ഇവർ അപകടനില തരണം ചെയ്തു. പൂവത്തൂർ സിഎസ്ഐ യുപി സ്കൂളിലെ വാനാണ് അപകടത്തില്പ്പെട്ടത്. രാവിലെ എട്ടരയോടെ കുട്ടികളുമായി സ്കൂളിലേക്ക് പോകവെ കുന്നത്തുകാല് മൊട്ടക്കാവ് കനാല്ബണ്ട് റോഡില് നിന്ന് കനാലിലേക്ക് വാൻ മറിയുകയായിരുന്നു.
കുട്ടികള് കനാലിലെ വെള്ളത്തിലേക്ക് വീണെങ്കിലും ആഴം കുറവായത് രക്ഷയായി. നാട്ടുകാരാണ് രക്ഷാപ്രവർത്തനം നടത്തിയത്. പരുക്കേറ്റവരെ കാരക്കോണം മെഡിക്കല് കോളേജില് പ്രവേശിപ്പിച്ചു. സി കെ ഹരീന്ദ്രൻ എംഎല്എ ആശുപത്രിയിലെത്തി പരുക്കേറ്റവരെ സന്ദർശിച്ചു.
SUMMARY: 27 injured as school van falls into canal in Thiruvananthapuram
