പത്തനംതിട്ട: പ്രായപൂർത്തിയാകാത്ത പെണ്കുട്ടിയെ ലൈംഗീകമായി പീഡിപ്പിക്കുകയും ദൃശ്യങ്ങള് മൊബൈല് ഫോണില് പകർത്തി സുഹൃത്തിന് കൈമാറുകയും ചെയ്ത കേസില് രണ്ട് യുവാക്കള് അറസ്റ്റില്. തണ്ണിത്തോട് മൂഴി സ്വദേശി അനന്തു (26), തണ്ണിത്തോട് കൂത്താടിമണ് സ്വദേശി വലിയതറയില് വീട്ടില് അഭിജിത്ത് (28) എന്നിവരെയാണ് കോന്നി പോലീസ് പിടികൂടിയത്.
കോട്ടയം, വെള്ളപ്പാറയില് വാടകയ്ക്ക് താമസിച്ചുവരികയായിരുന്നു ഇവർ. പ്രണയം നടിച്ച് പെണ്കുട്ടിയെ വശീകരിച്ച അഭിജിത്ത്, പത്തനംതിട്ടയിലെ ലോഡ്ജില് എത്തിച്ച് പീഡിപ്പിക്കുകയും ദൃശ്യങ്ങള് മൊബൈലില് പകർത്തി സുഹൃത്തായ അനന്തുവിന് അയച്ചുകൊടുക്കുകയുമായിരുന്നു. തുടർന്ന് അനന്തു ഈ ദൃശ്യങ്ങള് പെണ്കുട്ടിക്ക് വാട്ട്സ്ആപ്പില് അയച്ചുകൊടുത്ത് ഭീഷണിപ്പെടുത്തി.
പിന്നീട് കുട്ടിയെ പൂങ്കാവിലുള്ള വാടക വീട്ടിലെത്തിച്ചും പീഡിപ്പിക്കുകയും ദൃശ്യങ്ങള് പകർത്തുകയും ചെയ്തു. പീഡനവിവരമറഞ്ഞ് കുട്ടിയുടെ രക്ഷതാക്കള് പോലീസില് പരാതി നല്കി. കേസ് രജിസ്റ്റർ ചെയ്ത കോന്നി പോലീസ് അനന്തുവിനെ കോട്ടയത്തെ വാടകവീട്ടില് നിന്നും അഭിജിത്തിനെ എറണാകുളത്ത് നിന്നും പിടികൂടുകയായിരുന്നു.
SUMMARY: A minor girl was raped and filmed; her boyfriend and friend were arrested
WhatsApp
Telegram
