വയനാട്: മാനന്തവാടിയില് നിർമ്മാണം പൂർത്തിയായ വയനാട് ടൗണ്ഷിപ്പിന്റെ ഉദ്ഘാടന ചടങ്ങ് മാറ്റിവെച്ചു. നേരത്തെ ഫെബ്രുവരി 25-ന് നടത്താൻ നിശ്ചയിച്ചിരുന്ന ചടങ്ങ് മാർച്ച് ഒന്നാം തീയതിയിലേക്കാണ് പുതുക്കി നിശ്ചയിച്ചിരിക്കുന്നത്. ടൗണ്ഷിപ്പിലെ ആദ്യഘട്ട വീടുകളുടെ താക്കോല് കൈമാറ്റ ചടങ്ങില് പ്രിയങ്ക ഗാന്ധി എംപി മുഖ്യാതിഥിയായി പങ്കെടുക്കും.
ടൗണ്ഷിപ്പ് യാഥാർത്ഥ്യമാകുന്നതോടെ നിരവധി കുടുംബങ്ങള്ക്കാണ് സ്വന്തം വീട് എന്ന സ്വപ്നം സാക്ഷാത്കരിക്കപ്പെടുന്നത്. 178 വീടുകളുടെ താക്കോല് ദാനമാണ് മാർച്ച് ഒന്നിന് നടക്കുക. താക്കോല് ദാനം അവധി ദിവസം ആക്കണമെന്ന പൊതു അഭിപ്രായം വന്നതിനെത്തുടർന്നാണ് ഞായറാഴ്ച്ചയിലേക്ക് മാറ്റിയത്. ആകെ 410 വീടുകളാണ് നിർമ്മിച്ചു നല്കാൻ തീരുമാനിച്ചിരുന്നത് അതില് 178 എണ്ണമാണ് പൂർണമായും നിർമ്മാണം പൂർത്തിയാക്കി ആദ്യഘട്ടത്തില് നല്കാൻ തീരുമാനിച്ചിരുന്നത്.
എല്സ്റ്റണ് എസ്റ്റേറ്റിലാണ് ദുരന്തബാധിതർക്ക് സർക്കാർ ഒന്നാംഘട്ടമായി വീടുകള് നിർമ്മിച്ച് നല്കുന്നത്. വീടുകള്ക്ക് പുറമെ പബ്ലിക്ക് മാർക്കറ്റ്, അങ്കണവാടി, കുട്ടികളുടെ കളി സ്ഥലം, കമ്മ്യൂണിറ്റി സെന്റർ എന്നിങ്ങനെ നിരവധി സൗകര്യങ്ങള് ഒരുക്കിയിട്ടുണ്ട്. എല്സ്റ്റണ് എസ്റ്റേറ്റില് ഒരുക്കുന്ന താല്ക്കാലിക ഓപ്പണ് ഓഡിറ്റേറിയത്തിലാണ് ഉദ്ഘാടനം നടത്താൻ തീരുമാനിച്ചിരിക്കുന്നത്. ഏഴു സെന്റില് ആയിരം ചതുരശ്ര അടിയിലാണ് വീടുകള് നിർമ്മിച്ചു നില്ക്കുന്നത്. ഊരാളുങ്കല് ലേബർ കോ-ഓപ്പറേറ്റീവ് സെസൈറ്റിയാണ് ടൗണ്ഷിപ്പിന്റെ നിർമ്മാണം നടത്തുന്നത്.
SUMMARY: Wayanad Township; Inauguration postponed to March 1
