ബെംഗളൂരു: മൈസൂരുവിലേക്കുള്ള യാത്രകളുടെ സമയദൈർഘ്യം ഇനി കുറഞ്ഞു കിട്ടും. മൈസൂരു – ബെംഗളൂരു റെയിൽ കോറിഡോറിലെ ദൂരം നേരത്തെ മണിക്കൂറിൽ 110 കിലോമീറ്ററായിരുന്നു. ഇത് മണിക്കൂറിൽ 130 കിലോമീറ്ററായി ഉയർത്തിയിരിക്കുകയാണ് ഇപ്പോള്‍ റെയില്‍വേ.
പാതയിൽ ട്രയൽ റൺ നടക്കുന്നതായി കേന്ദ്ര റെയിൽവേ സഹമന്ത്രി വി സോമണ്ണ പറഞ്ഞു. സോമണ്ണയും കേന്ദ്രമന്ത്രി എച്ച്ഡി കുമാരസ്വാമിയും, മൈസൂരു-കൊടഗു എംപി യദുവീർ കൃഷ്ണദത്ത ചാമരാജ വാഡിയാറും ചേർന്ന് റൂട്ടിൽ പരിശോധന നടത്തി. ബെംഗളൂരുവിൽ നിന്ന് മൈസൂരുവിലേക്ക് ഒരു പ്രത്യേക ട്രെയിനിൽ യാത്ര ചെയ്തായിരുന്നു പരിശോധന. എട്ട് സ്റ്റേഷനുകൾ ഈ സംഘം പരിശോധിച്ചു. മൈസൂരുവിനെ ബെംഗളൂരുവിന് സമാന്തരമായി വികസിപ്പിക്കുന്നതിന്റെ ഭാഗമാണ് റെയിൽവേ നവീകരണമെന്ന് മന്ത്രി പറഞ്ഞു.
ബെംഗളൂരു-മൈസൂരു റൂട്ടിൽ രണ്ട് അധിക മെമു ട്രെയിനുകൾ ഉടൻ ആരംഭിക്കുമെന്ന് സോമണ്ണ അറിയിച്ചു. മൈസൂരു വഴി വടക്കന്‍ കേരളത്തിലേക്ക് വരുന്ന മലയാളികൾക്ക് ഏറെ ഗുണകരമാകുന്നതാണ് പുതിയ നടപടി. ട്രെയിനുകളുടെ എണ്ണം കൂടുന്നതും വേഗത കൂടുന്നതും ഈ റൂട്ടില്‍ സഞ്ചരിക്കുന്ന മലയാളികള്‍ക്കടക്കം സഹായകമാകും.
SUMMARY:Trains will now run on the Bengaluru-Mysore route; Speed increased to 130 kmph, two more MEMUs announced
