കണ്ണൂർ: കോണ്ഗ്രസ് നേതാവ് കെ. സുധാകരനെതിരെ തിരഞ്ഞെടുപ്പ് കമ്മീഷന് പരാതി. പോളിംഗ് ബൂത്തില് ചട്ടങ്ങള് ലംഘിച്ചെന്നാണ് പരാതി. വോട്ട് ചെയ്യാൻ സുധാകരൻ ബൂത്തില് കയറിയത് അനുയായിയോടൊപ്പമാണെന്ന് ചൂണ്ടിക്കാട്ടിയാണ് പരാതി. സുധാകരനൊപ്പമുണ്ടായിരുന്ന ജയന്ത് ദിനേശിനെതിരെയും പരാതി നല്കി. യുവമോർച്ച ഉപാധ്യക്ഷൻ കെ. ഷിജില് ആണ് പരാതി നല്കിയത്.
രണ്ടു പരാതികളാണ് യുവമോർച്ച നേതാവ് നല്കിയത്. വേട്ടെടുപ്പിന്റെ രഹസ്യ സ്വഭാവം ഇല്ലാതാക്കി. ബൂത്തില് മൊബൈല് ഫോണ് ഉപയോഗിച്ചു. സുധാകരൻ വോട്ട് ചെയ്യുന്ന ദൃശ്യങ്ങള് പകർത്തി. ദൃശ്യങ്ങള് സഹിതമാണ് തിരഞ്ഞെടുപ്പ് കമ്മീഷന് പരാതി നല്കിയത്.
SUMMARY: Violation of rules at polling booth: Complaint filed against K Sudhakaran
