മോസ്കോ: റഷ്യൻ സൈന്യത്തില് ചേർന്ന് യുക്രെയിനുമായി യുദ്ധത്തിലേർപ്പെട്ട പത്ത് ഇന്ത്യൻ പൗരന്മാർ കൊല്ലപ്പെട്ടതായി കേന്ദ്രസർക്കാർ. റഷ്യയിലേക്ക് പോയ 26 ഇന്ത്യക്കാരെക്കുറിച്ച് യാതൊരു വിവരവുമില്ലെന്ന് കാട്ടി അവരുടെ കുടുംബങ്ങള് സുപ്രീം കോടതിയില് ഹർജി നല്കിയിരുന്നു. ഇതിന് മറുപടിയായാണ് കേന്ദ്രസർക്കാർ സുപ്രീം കോടതിയില് കണക്ക് അവതരിപ്പിച്ചിരിക്കുന്നത്.
ചീഫ് ജസ്റ്റിസ് സൂര്യകാന്ത്, ജസ്റ്റിസ് ജോയ്മല്യ ബാഗ്ചി, ജസ്റ്റിസ് വിപുല് പഞ്ചോളി എന്നിവരടങ്ങിയ ബെഞ്ചാണ് ഹർജി പരിഗണിച്ചത്. കേന്ദ്രസർക്കാരിനുവേണ്ടി ഹാജരായ അഡീഷണല് സോളിസിറ്റർ ജനറല് ഐശ്വര്യ ഭാട്ടിയാണ് കോടതിയില് കണക്കുകള് വ്യക്തമാക്കിയത്. നേരത്തേ, വിഷയത്തില് കോടതി കേന്ദ്ര സർക്കാരിന്റെ പ്രതികരണം തേടിയിരുന്നു.
ഹർജിയില് പരാമർശിച്ചിരിക്കുന്ന 26പേരില് പത്തുപേരാണ് കൊല്ലപ്പെട്ടതെന്ന് ഐശ്വര്യ ഭാട്ടി കോടതിയെ അറിയിച്ചു. മരിച്ചവരില് ഭൂരിഭാഗവും സ്വമേധയാ റഷ്യല് സൈന്യത്തില് ചേർന്നവരാണ്. കുറച്ചുപേരെ ഏജന്റുമാർ ജോലി വാഗ്ദാനം ചെയ്ത് കബളിപ്പിച്ചതാണെന്നും അവർ സുപ്രീം കോടതിയില് പറഞ്ഞു.
SUMMARY: The central government says that ten Indians who joined the Russian army and participated in the Ukraine war were killed
WhatsApp
Telegram
