ബെംഗളൂരു: ബെംഗളൂരുവില് നാളെ മനുഷ്യ മനുഷ്യ ചങ്ങല നടത്തുമെന്നുള്ള കോക്രോച്ച് ജനതാ പാര്ട്ടിയുടെ പേരിലുള്ള പോസ്റ്റര് പ്രചരിക്കുന്നു. ടൗണ് ഹാള് പരിസരത്ത് സമാധാനത്തോടെയുള്ള മനുഷ്യചങ്ങല നടത്തുമെന്നാണ് കോക്രോച്ച് ജനതാ പാര്ട്ടി കര്ണാടക എന്ന പേരില് പ്രചരിക്കുന്ന നോട്ടീസില് പറയുന്നത്. എന്നാല് പരിപാടിയിൽ പങ്കെടുക്കുകയോ അതുമായി ബന്ധപ്പെട്ട സോഷ്യൽ മീഡിയ സന്ദേശങ്ങൾ പ്രചരിപ്പിക്കുകയോ ചെയ്യുന്നതിനെതിരെ ബെംഗളൂരു പോലീസ് വെള്ളിയാഴ്ച പൊതുജനങ്ങൾക്ക് മുന്നറിയിപ്പ് നൽകി. അത്തരമൊരു പരിപാടിക്ക് അനുമതി നൽകിയിട്ടില്ലെന്ന് ബെംഗളൂരു സിറ്റി പോലീസ് പറഞ്ഞു. ഹൈക്കോടതിയുടെ നിര്ദേശ പ്രകാരം ബെംഗളൂരു നഗരത്തില് പ്രതിഷേധ പ്രകടനം പാടില്ലെന്നും പോലീസ് പറഞ്ഞു.
പരിപാടി നടത്താൻ വ്യക്തിയോ സംഘടനയോ രാഷ്ട്രീയ പാർട്ടിയോ അനുമതി തേടി അപേക്ഷ സമർപ്പിച്ചിട്ടില്ലെന്നും വേദി ഉപയോഗിക്കുന്നതിന് അനുമതി നല്കിയിട്ടില്ലെന്നും പോലീസ് വ്യക്തമാക്കി.
ഫേസ്ബുക്ക്, വാട്ട്സ്ആപ്പ്, ഇൻസ്റ്റാഗ്രാം, എക്സ് തുടങ്ങിയ പ്ലാറ്റ്ഫോമുകളിൽ അറിഞ്ഞോ അറിയാതെയോ വൈറൽ സന്ദേശം ഫോർവേഡ് ചെയ്യുകയോ പങ്കിടുകയോ ചെയ്യരുതെന്ന് വകുപ്പ് പൊതുജനങ്ങളോട് നിർദ്ദേശിച്ചു, ടൗൺ ഹാളിന് സമീപം ഒത്തുകൂടരുതെന്നും പോലീസ് പൊതുജനങ്ങളോട് അഭ്യർത്ഥിച്ചിട്ടുണ്ട്.
SUMMARY: Poster in the name of Cockroach Janata Party announcing human chain tomorrow in Bengaluru; Police warn that permission is not given.
