കൊല്ലം: മുൻ ആരോഗ്യമന്ത്രി മന്ത്രി വീണാ ജോർജും കുടുംബവും സഞ്ചരിച്ചിരുന്ന കാർ അപകടത്തില്‍പ്പെട്ടു. കൊല്ലം മടത്തറക്ക് സമീപത്തുവെച്ചാണ് വീണ ജോർജും കടുംബവും യാത്ര ചെയ്തിരുന്ന വാഹനം അപകടത്തില്‍പ്പെട്ടത്. ശക്തമായ മഴയെ തുടർന്ന് കാർ തെന്നി മാറിയതാണ് അപകടകാരണം. നിയന്ത്രണംവിട്ട കാർ സമീപത്തു പാർക്ക് ചെയ്തിരുന്ന ഒരു ബൈക്കില്‍ ഇടിക്കുകയും തുടർന്ന് അടുത്തുള്ള ഒരു പോസ്റ്റില്‍ ഇടിച്ചുനില്‍ക്കുകയും ചെയ്‌തു. ആരുടേയും പരിക്കുകള്‍ സാരമുള്ളതല്ല എന്നാണ് വിവരം.
പത്തനംതിട്ടയില്‍ നിന്നും തിരുവനന്തപുരത്തേക്ക് യാത്ര ചെയ്യുന്നതിനിടെയാണ് വീണയും കുടുംബവും സഞ്ചരിച്ച വാഹനം അപകടത്തില്‍പ്പെട്ടത്. അപകടത്തില്‍ വാഹനത്തിന്റെ മുൻഭാഗത്തിന് കേടുപാടുകള്‍ സംഭവിച്ചു. ഇതോടെ കുടുംബം മറ്റൊരു വാഹനത്തില്‍ തിരുവനന്തപുരത്തേക്ക് യാത്ര പുനരാരംഭിച്ചു.
SUMMARY: Veena George’s vehicle met with an accident
