തിരുവനന്തപുരം: പ്രായപൂർത്തിയാകുന്നതിന് മുമ്പ് കുംഭമേള വൈറല് താരത്തിന്റെ വിവാഹം നടത്തിയെന്ന പരാതിയില് ദമ്പതികളുടെ മുൻകൂർ ജാമ്യഹർജിയില് നാളെ ഹൈക്കോടതി വിധി പറയും. പെണ്കുട്ടിയും ഭർത്താവ് ഫർമാൻ ഖാനുമാണ് മുൻകൂർ ജാമ്യ ഹർജിയുമായി കോടതിയെ സമീപിച്ചത്. ഫർമാൻ ഖാൻ മാത്രമാണ് കേസില് പ്രതിയെന്ന് മധ്യപ്രദേശ് സർക്കാർ അഭിഭാഷകൻ ഹൈക്കോടതിയില് പറഞ്ഞു.
കേരളത്തില് ആയതുകൊണ്ടാണ് ജീവനോടെയിരിക്കുന്നതെന്നും മധ്യപ്രദേശില് പോയാല് ദുരഭിമാനക്കൊല ചെയ്യുമെന്ന് ഭീഷണിയുണ്ടെന്നും പെണ്കുട്ടി കോടതിയെ അറിയിച്ചു. തനിക്ക് പ്രായപൂർത്തിയായെന്നാണ് പെണ്കുട്ടി അവകാശപ്പെടുന്നത്. എന്നാല്, പെണ്കുട്ടിക്ക് പ്രായപൂർത്തിയായിട്ടില്ലെന്നാണ് മധ്യപ്രദേശ് സർക്കാർ അഭിഭാഷകൻ വാദിച്ചത്. പെണ്കുട്ടി കേസില് പ്രതിയല്ലെന്നും ഫർമാൻ ഖാൻ മാത്രമാണ് കേസിലെ പ്രതിയെന്നും മധ്യപ്രദേശ് സർക്കാർ ഹൈക്കോടതിയെ അറിയിച്ചു. പെണ്കുട്ടിയും ഭർത്താവ് ഫർമാൻ ഖാനും നല്കിയ മുൻകൂർ ജാമ്യ ഹർജിയില് ഹൈക്കോടതി നാളെ വിധി പറയും.
SUMMARY: Kumbh Mela viral star’s wedding; Verdict on anticipatory bail plea tomorrow
