ബെംഗളൂരു: കല വെൽഫെയർ അസോസിയേഷൻ ഓണോത്സവം- കല സാന്ത്വനം ഒക്ടോബർ 4-ന് പീനിയയിൽ നടക്കും. ആഘോഷത്തിന്റെ നടത്തിപ്പിനായി വിപുലമായ സ്വാഗതസംഘം രൂപവത്കരിച്ചു. സ്വാഗതസംഘം ചെയർമാനായി കൊച്ചുമോനെയും, കൺവീനറായി സുമേഷിനെയും തിരഞ്ഞെടുത്തു. വിവിധ സബ് കമ്മിറ്റികളിലേക്കുള്ള ഭാരവാഹികളെയും തിരഞ്ഞെടുത്തു.
കല വെൽഫെയർ അസോസിയേഷൻ ജനറൽ സെക്രട്ടറി ഫിലിപ്പ് കെ. ജോർജ്, പ്രസിഡന്റ് ബിനു പാപ്പച്ചൻ, ട്രഷറർ സീത രജീഷ് എന്നിവർ യോഗത്തിന് നേതൃത്വം നൽകി. കലാസാംസ്കാരിക പരിപാടികൾ, സംഗീതവിരുന്ന്, കുടുംബസംഗമം, വിവിധ മത്സരങ്ങൾ എന്നിവ ഉൾപ്പെടുത്തി വിപുലമായ ഒരുക്കങ്ങളാണ് ആരംഭിച്ചിരിക്കുന്നതെന്ന് ഭാരവാഹികൾ അറിയിച്ചു.
SUMMARY:Art ‘Onotsavam’ to be held on October 4; Welcome group formed
