ബെംഗളൂരു: ബാംഗ്ലൂര്‍ കേരളസമാജത്തിന്റെ നേതൃത്വത്തില്‍ മുതിര്‍ന്നവര്‍ക്കായി സീനിയര്‍ കലോത്സവം സംഘടിപ്പിക്കുന്നു. ജൂലൈ 26 ന് ഇന്ദിരാ നഗറിലുള്ള കൈരളി നികേതന്‍ ക്യാമ്പസില്‍ വെച്ചാണ് മത്സരങ്ങള്‍ സംഘടിപ്പിച്ചിരിക്കുന്നത്. ഭരതനാട്യം, മോഹിനിയാട്ടം, കുച്ചുപ്പുടി, നാടോടി നൃത്തം, ശാസ്ത്രീയ സംഗീതം, ലളിത ഗാനം, നാടന്‍ പാട്ട്, മാപ്പിള പാട്ട്, പദ്യം ചൊല്ലല്‍, പ്രസംഗ മത്സരം, ദേശ ഭക്തി ഗാനം (ഗ്രൂപ്പ്) എന്നീ 11 ഇനങ്ങളില്‍ മത്സരം നടക്കും
19 മുതല്‍ 25 വരെയും, 26 മുതല്‍ 39 വരെയും, 40 മുകളില്‍ പ്രായമുള്ളവര്‍ എന്നീ മൂന്നു വിഭാഗങ്ങളില്‍ ആയി മത്സരം നടക്കും. മത്സരത്തില്‍ പങ്കെടുക്കാന്‍ താല്പര്യമുള്ളവര്‍ ജൂലൈ 20 നു മുന്‍പായി പേര് രജിസ്റ്റര്‍ ചെയ്യേണ്ടതാണെന്ന് കേരള സമാജം ജനറല്‍ സെക്രട്ടറി റജികുമാര്‍, കള്‍ച്ചറല്‍ സെക്രട്ടറി മുരളിധരന്‍ എന്നിവര്‍ അറിയിച്ചു. വിവരങ്ങള്‍ക്ക് 87623 81186, 88619 78471
SUMMARY: Kerala Samajam Senior Arts Festival on July 26th
