ന്യൂഡൽഹി: കേരള സംസ്ഥാന വഖഫ് ബോർഡിന്റെ പ്രവർത്തനങ്ങള്‍ താല്‍ക്കാലികമായി മരവിപ്പിച്ച ഹൈക്കോടതി ഉത്തരവ് സുപ്രീംകോടതി തിരുത്തി. ബോർഡിന്റെ പ്രവർത്തനങ്ങള്‍ തുടരാമെന്ന് വ്യക്തമാക്കിയ സുപ്രീംകോടതി, ഹൈക്കോടതിയുടെ ഇടക്കാല ഉത്തരവിലെ അവസാന വരി റദ്ദാക്കി. ബോർഡിന്റെ സെക്രട്ടറിയെ അഡ്മിനിസ്ട്രേറ്ററായി നിയമിച്ചുകൊണ്ട് ഹൈക്കോടതി എടുത്ത നടപടിയാണ് സുപ്രീംകോടതി റദ്ദാക്കിയത്.
ഹൈക്കോടതിയുടെ ഇടക്കാല ഉത്തരവിനെതിരെ വഖഫ് ബോർഡ് സമർപ്പിച്ച അപ്പീലാണ് ചീഫ് ജസ്റ്റിസ് അധ്യക്ഷനായ ബെഞ്ച് പരിഗണിച്ചത്. കേസില്‍ ബിജെപി നേതാവ് ഷോണ്‍ ജോർജ് അടക്കമുള്ളവർ തടസ്സഹർജി സമർപ്പിച്ചിരുന്നു. സർക്കാർ ഇതിനെ പിന്തുണയ്ക്കുകയും ചെയ്തിരുന്നു. വഖഫ് ബോർഡിന്റെ തുടർച്ചയ്ക്ക് അനുമതി ലഭിച്ചതോടെ ഈ നീക്കങ്ങള്‍ക്ക് തിരിച്ചടിയായിരിക്കുകയാണ്.
SUMMARY: State Waqf Board can continue operations; Supreme Court modifies High Court order
