ബെംഗളൂരു: വിജയനഗര ഹൊസപ്പേട്ട് കൈരളി കൾച്ചറൽ അസോസിയേഷൻ 26-ാമത് ഓണാഘോഷം സെപ്റ്റംബർ ആറിന് രാവിലെ 8 മുതൽ ഹൊസപ്പേട്ട് മീർ ആലം തിയേറ്ററിന് പിറകിലെ എ.ടി.വി.എൻ. റോയൽ ഗാർഡനിൽ നടക്കും. വിവിധ കലാ സാംസ്കാരിക പരിപാടികൾ, ഓണസദ്യ, നാടൻ പാട്ട് മെഗാ ഷോ എന്നിവ ഉണ്ടായിരിക്കും.
ഉച്ചയ്ക്ക് 2.30 ന് നടക്കുന്ന പൊതുസമ്മേളനത്തിൽ അസോസിയേഷൻ വൈസ് പ്രസിഡന്റ് സിൽവി ജോർജ് സ്വാഗതം ആശംസിക്കും. നിയമസഭാംഗം എച്ച്. ആർ. ഗവിയപ്പ അധ്യക്ഷത വഹിക്കും.ബെല്ലാരി എംപി ഇ. തുക്കാറാം ഉദ്ഘാടനം ചെയ്യും. മുൻ കർണാടക ടൂറിസം മന്ത്രി ബി. എസ്. ആനന്ദ് സിംഗ്. ഹുഡ ചെയർമാൻ എച്ച്.എൻ. മുഹമ്മദ് ഇമാം നിയാസി, ഗോകുലം ഗ്രൂപ്പ് ചെയർമാൻ ഗോകുലം ഗോപാലൻ, സീനിയർ വൈസ് പ്രസിഡന്റ്, ജെഎസ്ഡബ്ല്യു സ്റ്റീൽ ലിമിറ്റഡ്, തോരണഗല്ലു ഹരീഷ് നായർ, സാമൂഹിക പ്രവർത്തരായ ബി.എസ്. ദീപക് സിംഗ്, രശ്മി രാജശേഖർ ഹിറ്റ്നാൽ, ജോയിന്റ് . മാനേജിംഗ് ഡയറക്ടർ, എം.എസ്.പി.എൽ ലിമിറ്റഡ്,ശ്രേണിക് കുമാർ എൻ. ബൽഡോട്ട, മുൻ സീനിയർ പ്രൊഫസർ, കന്നഡ സർവകലാശാല, ഹംപി ഡോ. മോഹൻ കുണ്ടാർ,അസോസിയേഷൻ. ബള്ളാരി കൾച്ചറൽ അസോസിയേഷൻ രക്ഷാധികാരി ഗുരു മാത്യു എന്നിവർ പങ്കെടുക്കും. എസ്.എസ്.എൽ.സി, പി.യു.സി പരീക്ഷകളിൽ ഏറ്റവും കൂടുതൽ മാർക്ക് നേടിയ വിദ്യാർത്ഥികൾക്കുള്ള സമ്മാനങ്ങൾ ചടങ്ങിൽ വിതരണം ചെയ്യും.
ഓണാഘോഷ മത്സരങ്ങളുടെ ഭാഗമായുള്ള കാരംസ്, ചെസ്സ്, തുടങ്ങിയ കായിക ഇനങ്ങൾ 5 ന് വൈകുന്നേരം 5-00 നും മ്യൂസിക്കൽ ചെയർ, ബോൾ പാസിംഗ്, ലെമൺ & സ്പൂൺ റേസ് (സ്ത്രീകൾക്ക് മാത്രം) ഉറിയടി, വടംവള്ളി (പുരുഷന്മാർക്കും സ്ത്രീകൾക്കും) 6 നും രാവിലെ 10മുതൽ വി.എൻ. റോയൽ ഗാർഡനിലും നടക്കുമെന്ന് പ്രസിഡന്റ് എം.കെ. മത്തായി, സെക്രട്ടറി സുന്ദരൻ പി എന്നിവർ അറിയിച്ചു.
