ബെംഗളൂരു: എൻഎസ്എസ് കര്ണാടക യശ്വന്തപുര കരയോഗം കുടുംബ സംഗമം ബെംഗളൂരു ടാറ്റാ നഗറിലെ ഭാരത് രത്ന ജെ.ആർ.ഡി. ടാറ്റാ ആർ ഡബ്ല്യു എ ഹാളിൽ നടന്നു. പൊതുസമ്മേളനം, കരയോഗത്തിലെ മുതിർന്ന അംഗങ്ങളെ ആദരിക്കൽ, ചാക്യാർകൂത്ത്, സോപാനസംഗീതം, വിവിധ സാംസ്കാരിക പരിപാടികൾ എന്നിവ അരങ്ങേറി.
വൈസ് ചെയർമാൻ ബിനോയ് എസ് നായർ കുടുംബസംഗമം ഉദ്ഘാടനം ചെയ്തു. കരയോഗം പ്രസിഡണ്ട് പി.ആർ.ഉണ്ണികൃഷ്ണൻ അധ്യക്ഷത വഹിച്ചു. ജനറൽ സെക്രട്ടറി പി എം ശശീന്ദ്രൻ, ബോർഡ് ട്രഷറർ പി കെ മുരളീധരൻ, കരയോഗം സെക്രട്ടറി സുരേഷ് ജി.നായർ, ട്രഷറർ വിക്രമൻ പിള്ള എന്നിവർ സംസാരിച്ചു.
പ്രോഗ്രാം കമ്മിറ്റി കൺവീനർ ബിജിപാൽ നമ്പ്യാർ നന്ദി പറഞ്ഞു. അക്കാദമിക്, കായിക മേഖലകളിൽ മികച്ച വിജയം കൈവരിച്ച വിദ്യാർഥികളെയും, സാമൂഹ്യ പ്രവർത്തകനായ രാജഗോപാൽ മുല്ലത്തിനെയും, നന്മ അസോസിയേഷൻ ദ അസോസിയേഷൻ ഫോർ കെയറിങ് പ്രസിഡന്റ് ശ്രീധരൻ നായർ, സെക്രട്ടറി സന്തോഷ് സി വി എന്നിവരെയും ചടങ്ങിൽ ആദരിച്ചു.
SUMMARY: NSS Karnataka Yeshwanthapura Karayogam Family Gathering
