ബെംഗളൂരു: മൈസൂരു കേരളസമാജം ഓണാഘോഷത്തോടനുബന്ധിച്ച് സംഘടിപ്പിക്കുന്ന കൈത്തറി വസ്ത്രവിപണന മേളയ്ക്ക് ഇന്ന് തുടക്കമാകും. രാവിലെ 10 മുതല് 9 വരെ വിജയനഗറിലെ സമാജം കമ്യൂണിറ്റി ഹാളിലാണ് മേള ഒരുക്കിയിരിക്കുന്നത്. സ്വാതന്ത്ര്യദിനാഘോഷത്തോടനുബന്ധിച്ച് സൗജന്യ മെഡിക്കല് ക്യാമ്പും സംഘടിപ്പിക്കുന്നുണ്ട്.
ഓണച്ചന്ത 23 മുതല് 25 വരെ നടക്കും. ഓണത്തിനാവശ്യമായ ഗുണമേന്മയുള്ള ചിപ്സുകള്, ഹല്വ, നേന്തപഴം, പച്ചക്കായ, പച്ചക്കറികള്, വാഴയില, നാടന് കറിചട്ടികള്, മറ്റു അവശ്യസാധനങ്ങള് എന്നിവ മിതമായ നിരക്കില് ലഭ്യമാക്കുന്നുണ്ട്. ഓണാഘോഷം സെപ്റ്റംബര് 6ന് നടക്കും. ഓണസദ്യ, കലാകായിക മത്സരങ്ങള് എന്നിവയോടെ സമാപിക്കുമെന്ന് ഭാരവാഹികള് അറിയിച്ചു.
SUMMARY: Mysore Kerala Samajam Handloom Textile Marketing Fair begins today
