പാലക്കാട്: ഒറ്റപ്പാലം കണ്ണിയംപുറത്ത് പട്ടാപ്പകല് വീട് കുത്തിത്തുറന്ന് മോഷണം. പൂട്ടിയിട്ടിരുന്ന വീട്ടില് നിന്ന് 8 പവൻ സ്വർണമാണ് മോഷണം പോയത്. പൊയിലത്ത് വാരിയത്ത് അനില്കുമാറിന്റെ വീട്ടിലാണ് കവർച്ച നടന്നത്. ഉച്ചയ്ക്ക് മുമ്പാണ് മോഷണം നടന്നതെന്നാണ് വിവരം. വീടിന്റെ മുൻവശത്തെ വാതില് കുത്തിത്തുറന്നാണ് മോഷ്ടാക്കള് അകത്ത് കടന്നത്. കിടപ്പുമുറിയിലെ അലമാരയില് സൂക്ഷിച്ചിരുന്ന സ്വർണാഭരണങ്ങളാണ് കവർന്നത്.
ഒരു മാല, രണ്ട് ജോഡി കമ്മല്, ഒരു മോതിരം എന്നിവയാണ് മോഷണം പോയത്. വീട്ടുകാർ തിരിച്ചെത്തിയപ്പോഴാണ് വാതില് കുത്തിത്തുറന്ന നിലയില് കണ്ടെത്തിയത്. തുടർന്ന് പോലീസില് വിവരം അറിയിക്കുകയായിരുന്നു. സംഭവത്തില് ഒറ്റപ്പാലം പോലീസ് അന്വേഷണം ആരംഭിച്ചു. മോഷ്ടാക്കളെ കണ്ടെത്തുന്നതിനായി സമീപപ്രദേശങ്ങളിലെ സിസിടിവി ദൃശ്യങ്ങള് ഉള്പ്പെടെ പോലീസ് പരിശോധിച്ചുവരികയാണ്.
SUMMARY: Broad-daylight theft; house broken into and 8 sovereigns of gold stolen
