ബെംഗളൂരു: മൈസൂരു കേരളസമാജം സംഘടിപ്പിക്കുന്ന ഓണച്ചന്ത ഓഗസ്റ്റ് 23 മുതൽ 25 വരെ 2026 വിജയനഗർ കേരള സമാജം കമ്മ്യൂണിറ്റി സെന്ററിൽ നടക്കും. കേരളത്തിന്റെ തനത് രുചികളും സംസ്കാരവും പാരമ്പര്യവും മൈസൂരുവിലെ ജനങ്ങളിലേക്ക് എത്തിക്കുന്നതിനായി കേരളീയ പരമ്പരാഗത ഭക്ഷ്യവിഭവങ്ങൾ, കൈത്തറി-വസ്ത്രങ്ങൾ, കരകൗശല ഉൽപ്പന്നങ്ങൾ, ഓണം അനുബന്ധ ഉൽപ്പന്നങ്ങൾ എന്നിവയുടെ വിപുലമായ ശേഖരം ഓണച്ചന്തയിൽ ഒരുക്കിയിട്ടുണ്ട്.
കേരളീയ കൈത്തറി-വസ്ത്രങ്ങളുടെ വിപുലമായ ശേഖരം
സാരികൾ, സെറ്റ് മുണ്ട്, ദാവണി, ആൺകുട്ടികൾക്കും പെൺകുട്ടികൾക്കുമുള്ള വിവിധതരം വസ്ത്രങ്ങൾ, ജെന്റ്സ് മുണ്ട് & ഷർട്ട്, ലുങ്കി, ബെഡ്ഷീറ്റ്, ടവൽ, പട്ടുപാവാട, ബ്ലൗസ് പീസുകൾ, ഫ്രോക്ക്, ചുരിദാർ, കുട്ടികളുടെ പട്ടുപാവാട, കുട്ടിമുണ്ട് തുടങ്ങിയ കേരളീയ പരമ്പരാഗത വസ്ത്രങ്ങള്‍, വാഴക്കായ ചിപ്സ്, ശർക്കരവരട്ടി, അച്ചപ്പം, പയ്യോളി മിക്സ്ചർ, അരി മുറുക്ക്, തക്കാളി മുറുക്ക്, എള്ളുണ്ട, ഉണ്ണിയപ്പം, നേന്ത്രപ്പഴം, പച്ചക്കായ, ചേന, കാന്താരി മുളക്, വിവിധതരം കേരളീയ പച്ചക്കറികൾ എന്നിവയും ലഭ്യമാകും.
കൂടാതെ വാഴയില, വാഴക്കുളം കൈതച്ചക്ക, തൊടുപുഴ ചേന, മറയൂർ ശർക്കര, കോഴിക്കോട് ഹൽവയുടെ വിവിധ ഇനങ്ങൾ, കേരള പപ്പടം, വിവിധ പരമ്പരാഗത കേരളീയ കരകൗശല ഉൽപ്പന്നങ്ങൾ, പരമ്പരാഗത ആഭരണങ്ങളും ഓണം കളക്ഷനുകളും, വിവിധതരം പരമ്പരാഗത മൺപാത്രങ്ങളും, കറിക്കൂട്ടുകളും കടുമാങ്ങ, പുളിയിഞ്ചി, മധുരനാരങ്ങ, കാളൻ , ചമ്മന്തിപ്പൊടി തുടങ്ങിയവയും ഓണച്ചന്തയിൽ ലഭ്യമാകും.മൂന്ന് ദിവസങ്ങളിലും വിവിധതരം കേരളീയ പരമ്പരാഗത പായസങ്ങളും ലഭിക്കുന്നതാണ്. കൂടുതല്‍ വിവരങ്ങൾക്ക്- 9845471355, 8088889288, 9741831619.
