കണ്ണൂർ: കണ്ണൂർ സൈബർ ക്രൈം പോലീസ് രജിസ്റ്റർ ചെയ്ത കേസില്‍ അർജുൻ ആയങ്കിക്ക് ജാമ്യം. തലശ്ശേരി ചീഫ് ജുഡീഷ്യല്‍ മജിസ്‌ട്രേറ്റ് കോടതിയാണ് ജാമ്യം അനുവദിച്ചത്. എന്നാല്‍ മറ്റ് കേസുകളില്‍ റിമാൻഡില്‍ കഴിയുന്നതിനാല്‍ ജാമ്യം ലഭിച്ചാലും അർജുൻ ആയങ്കിക്ക് ജയില്‍ മോചിതനാകാനാകില്ല. കാപ്പ നിയമം ഉള്‍പ്പെടെ അർജുൻ ആയങ്കിക്കെതിരെ നിലവില്‍ മറ്റ് കേസുകളുമുണ്ട്. കഴിഞ്ഞ ദിവസമാണ് ഇയാള്‍ക്കെതിരെ കാപ്പ ചുമത്തിയത്.
കണ്ണൂർ സിറ്റി പോലീസ് കമ്മീഷണർ സമർപ്പിച്ച പ്രത്യേക ശുപാർശ ജില്ലാ കളക്ടർ അംഗീകരിച്ചതിന് പിന്നാലെയായിരുന്നു നടപടി. നിലവില്‍ ജുഡീഷ്യല്‍ കസ്റ്റഡിയില്‍ കഴിയുന്ന അർജുൻ ആയങ്കി ജാമ്യം നേടി പുറത്തിറങ്ങിയാല്‍ വീണ്ടും കുറ്റകൃത്യങ്ങളില്‍ ഏർപ്പെടാൻ സാധ്യതയുണ്ടെന്ന വിലയിരുത്തലിന്റെ അടിസ്ഥാനത്തിലാണ് കാപ്പ ചുമത്തിയത്.
SUMMARY: Arjun Ayanki granted bail; he will remain in jail as bail has not been granted in other cases
