കോഴിക്കോട്: സിപിഐഎം സംസ്ഥാന സെക്രട്ടേറിയറ്റ് പുനഃസംഘടിപ്പിച്ചപ്പോള് കണ്ണൂരില് നിന്ന് പി. ജയരാജന്, തിരുവനന്തപുരത്ത് നിന്ന് വി. ശിവന്കുട്ടി, പാലക്കാട് നിന്ന് എം.ബി. രാജേഷ് എന്നിവര് പുതിയ അംഗങ്ങളായി ഉള്പ്പെട്ടു. മുമ്പ് പി. ജയരാജനെ സെക്രട്ടേറിയറ്റില് ഉള്പ്പെടുത്താത്തതില് പാര്ട്ടിക്കുള്ളില് വിമര്ശനങ്ങള് ഉയര്ന്നിരുന്നു.
പി എസ് സഞ്ജീവ്, എം ശിവപ്രസാദ്, ആദര്ശ് എം സജി, എം വിജിന്, എന് സുകന്യ, ജെയ്ക്ക് സി തോമസ്, സുബൈദ ഇസ്ഹാഖ്, ഒ എസ് അംബിക, പ്രഭാവര്മ എന്നിവരാണ് സംസ്ഥാന സമിതിയിലെ പുതിയ അംഗങ്ങള്. അതേസമയം നിലവിലുള്ളവരില് കേന്ദ്ര കമ്മിറ്റി അംഗങ്ങളായ പി കെ ശ്രീമതി, തോമസ് ഐസക്, ടി പി രാമകൃഷ്ണന് എന്നിവരെ സംസ്ഥാന സെക്രട്ടേറിയേറ്റില് നിന്നും ഒഴിവാക്കി. കേന്ദ്രകമ്മിറ്റി അംഗങ്ങളായതിനാല് ഇവര്ക്ക് സംസ്ഥാന സെക്രട്ടേറിയേറ്റിലും പങ്കെടുക്കാം. പി രാജീവിനെ എല്ഡിഎഫ് കണ്വീനറാക്കി നിയോഗിക്കുമെന്നാണ് റിപ്പോര്ട്ട്.
SUMMARY: CPM leadership reshuffle: P. Jayarajan, M.B. Rajesh, and V. Sivankutty inducted into the Secretariat
