ബെംഗളൂരു: എസ്കെഎസ്എസ്എഫ് ബെംഗളൂരു കമ്മിറ്റിക്ക് കീഴിൽ ബെംഗളൂരു സൗത്തിലും നോർത്തിലുമായി യൂണിറ്റ് രൂപവത്കരണയോഗങ്ങള് പുരോഗമിക്കുന്നു. ഇതിന്റെ ഭാഗമായി നീലസാന്ദ്ര യൂണിറ്റ് കമ്മിറ്റി രൂപീകരണവും മീലാദ് കൺവെൻഷനും സംഘടിപ്പിച്ചു. നീലസാന്ദ്രഏരിയ യിലെ ഈജിപുര മദ്റസ ഹാളിൽ നടന്ന പരിപാടി എസ്.കെ.ജെ.എം സെൻട്രൽ കൗൺസിൽ അംഗം സുഹൈൽ ഫൈസി ഉദ്ഘാടനം ചെയ്തു.
സമസ്തയുടെയും പോഷക ഘടകങ്ങളുടെ യും പ്രവർത്തനങ്ങൾ ശക്തിപ്പെടുത്തുന്നതിന്റെ ഭാഗമായി വിപുലമായ പരിപാടികൾ നടത്താൻ യോഗം തീരുമാനിച്ചു. നീലസാന്ദ്ര മേഖലയിൽ സംഘടനാ പ്രവർത്തനങ്ങൾ കൂടുതൽ ശക്തിപ്പെടുത്തുമെന്നും പുതിയ കമ്മിറ്റി അറിയിച്ചു.
എസ്.കെ.എസ്.എസ്.എഫ് സ്റ്റേറ്റ് കൗൺസിലർ അബ്ദു സമദ് മൗലവി മാണിയൂർ മുഖ്യ പ്രഭാഷണം നിർവഹിച്ചു. ജില്ലാ ജനറല് സെക്രട്ടറി സലിം കെ കെ സംഘടനാ പദ്ധതികൾ അവതരിപ്പിച്ചു. ജില്ലാ ട്രഷറർ ഷാജൽ സി എച്ച് കമ്മിറ്റി രൂപീകരണത്തിന് നേതൃത്വം നൽകി. സിറാജ് നീലസാന്ദ്ര, അയാസ് നീലസാന്ദ്ര, ടിടികെ നൗഷാദ്, മുസ്തഫ വി കെ, ഷമീം കുടക്, ബിലാൽ മജെസ്റ്റിക്, മുഹമ്മദ് കൊല്ലത്തി, അസ്ഗർ, നൗഷാദ് ഈജിപുര, നബീൽ, തുടങ്ങിയവർ സംസാരിച്ചു.
