ന്യൂഡല്ഹി: മുഖ്യ തിരഞ്ഞെടുപ്പു കമ്മീഷണര് ഗ്യാനേഷ് കുമാറിനെതിരെ പ്രതിഷേധം ശക്തമാക്കുന്നതിന്റെ ഭാഗമായി കോണ്ഗ്രസിന്റെ രണ്ടാംഘട്ട സമരത്തിന് ഇന്ന് തുടക്കമാകും. ഇന്ന് രാജ്യവ്യാപകമായി കളക്ടറേറ്റുകളിലേക്ക് കോൺഗ്രസ് മാർച്ച് നടത്തും. നാളെ പ്രവർത്തക സമിതി യോഗം ചേർന്ന് കോൺഗ്രസ് തുടർ സമരങ്ങൾ പ്രഖ്യാപിക്കും.
ഇടതു പാര്ട്ടികളുടെ സംയുക്ത പ്രതിഷേധവും ഡല്ഹിയില് നടക്കുക്കും. ഡൽഹിയിലെ ഭഗത്സിംഗ് പ്രതിമയിലേക്ക് നടത്തുന്ന പ്രതിഷേധ മാർച്ചിന് സിപിഐഎം ജനറൽ സെക്രട്ടറി എംഎ ബേബി നേതൃത്വം നൽകും.ഒരാഴ്ച നീളുന്ന പ്രതിഷേധത്തിനാണ് അഞ്ച് ഇടത് പാര്ട്ടികള് ആഹ്വാനം ചെയ്തിരിക്കുന്നത്. ഇടതു വിദ്യാര്ഥി സംഘടനകളുടെ സമരവും ഡല്ഹിയില് നടക്കും.
അതേസമയം പ്രതിപക്ഷ പ്രതിഷേധ സാധ്യത കണക്കിലെടുത്ത് വാരണാസിയില് ഗ്യാനേഷ് കുമാര് ഇന്ന് പങ്കെടുക്കേണ്ടിയിരുന്ന വോട്ടര് ബോധവത്കരണ പരിപാടി റദ്ദാക്കി. ഘടകകക്ഷികളുടെ എതിര്പ്പ് മറികടന്നും ഗ്യാനേഷ് കുമാറിനെ സംരക്ഷിക്കുന്ന നിലപാട് തുടരാന് തന്നെയാണ് ബി ജെ പി തീരുമാനം.
SUMMARY: Protest against Ganesh Kumar; The second phase of the Congress campaign begins today
